Imon, abbé de Nouaillé, cède à Rorgon, chanoine et archidiacre de Saint-Pierre de Poitiers, trois arpents de vignes contre une redevance annuelle d'une livre de poivre.

l.1 MOS MOSAYCA A PRISCIS TEMPORIBUS EST PROMULGATA, UT QUICUMQUE POTENS VEL APOROS
l.2 possessionem suam venundari vellet, transacto anno jubeleo id est quinquagesimo restitueretur illi possessio.
l.3 Ad instar ergo hujuscemodi moris constitutum est per spatium hujus vasti orbis, ut manufirma, finitis suc-
l.4-cessoribus, absque ulla calumnia redeat unde fuerat. Igitur ego in Dei nomine Ymo abbas et fratres nostri, cuidam fideli nostro,
l.5 Rorgoni scilicet canonico et archidiacono Sancti Petri Pictavensis, manufirmam facimus de tribus jugeris vinearum
l.6 aut eo forsitan amplius, et sunt secus aliam manufirmam de Cassanas, ut quamdiu vixerit teneat, et post
l.7 discessum ejus ad locum sancti Juniani remaneat, et ad festivitatem ejus omni anno unam libram de piperum reddat;
l.8 manufirmam vero de Cassanas ipse et mater ejus Alcendis quamdiu vixerint simul teneant ambo, et post
l.9 discessum amborum ad locum remaneat nullo contradicente propinquo. Si quis autem hanc manufirmam
l.10 calumniare vel inquietare presumpserit post discessum Rorgoni et matris ejus, mille solidos coactus componat,
l.11 et in ira Dei omnipotentis corruat, et alienus a consortio Christianorum fiat, atque excommunicatus permaneat consepultus
l.12 in infirno cum Dathan, Chore et Abiron. Et ut hec manufirma stabilis et inconvulsa sit, manibus Rorgoni
l.13 et matris ejus Aleendis est firmata et parentibus illorum ad firmandum data. Signum Hugoni, filii Alboini.
l.14 Signum Hugoni filii Arberti.