Geoffroi, doyen, et le chapitre de Saint-Hilaire de Poitiers statuent afin de remédier à la dilapidation des biens de leur église.

l.1 [chrisme] Res sanctae Dei ecclesiae quas sanctorum patrum pia voluntas indefesso, studio propaquavit, nostris temporibus crescente cupidi-
l.2-tate videmus invadi, et seculi imminente fine cum homines brevior vita perurgeat, atrocior cupiditas purget.
l.3 Unde fit ut res quas sancti patres sanctae eclesiae contulerunt, nunc vi tollantur, nunc alienantur, nunc ab injustis
l.4 ministris vindicentur, et solo nomine sanctae aeclesiae relicto omnis utilitas aeclesiasticorum fundorum quibuslibet
l.5 indignis et sceleratis famuletur. Quanta ergo mercedem consecuti sunt a Deo qui sanctam eclesiam edificaverunt, honoraverunt et dita-
l.6-verunt, tantam poenam in futuro suplicio consequentur, qui eam destruere, exhonorare et dissipare moliuntur. Quod conside-
l.7-rans ego Gauzfredus, Beati Hilarii gracia Dei et dono domni Wilelmi Aquitanorum ducis archiclavus atque decanus,
l.8 et omnis congregatio ejusdem semper nominandi patris Hylarii, res ipsius patris cum adjutorio divinȩ misericordiae
l.9 et suffragio precellentissimi ducis Wilelmi, quȩ multis modis et direptȩ, et adnullate sunt, secundum quod possumus, emeliorare
l.10 desideraremus. Tractavimus ergo communi consilio, ut aeclesiȩ nostrae quae a diversis tenentur, cum exocupate et deliberate
l.11 ab his a quibus tenentur fuerint, nulla necessitate, nullo negotio, neque a nobis, neque successoribus nostris vendantur, vel distrahantur, sed com-
l.12-muni et fraterne utilitati profuture teneantur. Eodem quoque modo et de alodis nostris statuimus, ut cum exocupati fuerint, in communem revertantur
l.13 dominationem, neque sit aliquis qui eos aliquatenus distrahere presummat, sed fideles viri eligantur, qui fidelitate sancto Hylario fratribusque
l.14 jurata eos ad providendum suscipiant, et reditus eorum fideliter in communi cella reportant. Similiter quoque et de cellario statuimus
l.15 ut unus servus sancti Hylarii ei ministerio reficiatur, et quicquid ibi coadunatum fuerit, secundum judicium in communi fidelitate
l.16 provideat. Si quis vero inventus fuerit vel nos ipsi qui hoc statuimus, vel successores nostri, hoc commune decretum qui infringere tempta-
l.17-verint, sciant se a communione beati Hylarii separandos, et cum Juda atque Pilato in sempiternis supliciis partem com-
l.18-munem habituros.

1