Ermengarde, abbesse de Saint-Croix de Poitiers, donne à Geoffroi Grisegonelle, comte d'Anjou, les deux cours de Pruliaco et Arcis et plusieurs redevances.

l.1 SANCCITUM EST ANTIQUORUM PATRUM SOLLERTIA QUATINUS PACCIONES VEL DECRETA QUECUMQUE DISPONERENT FORE STABILIA NON TANTUM AUTENTIQUORUM HOMINUM PRESENTIA ROBORARENTUR
l.2 verum scripti memoria firmarentur. Idcirco noverit omnium fidelium presentium scilicet et futurorum sollertia, quia ego Hermengardis, monasterii Sanctȩ Crucis abbatissa,
l.3 cum communi consensu sororum nostrorum, adquiescens peticionibus domni Gaufredi, Andegavensis comitis, qui vulgari cognomine Grisia appelatur Gonella, pro defensione
l.4 terrarum nostrarum in sua potestate sitarum, et etiam in reguali curia vel in locis ceteris si quilibet nostris rebus aliquam inferret calumpniam legali judicio tueretur. Concedimus ei
l.5 de nostro dominio duas curtes, eam videlicet de Pruliaco et illam de Arcis, et in terris nostris quȩ sunt in Laudunensi patria pro ipsarum tuitione, fedum, farraginem scilicet et
l.6 porcellam, et per quindecim dies bianum. Cui rei supradictus comes Gaufridus adquiescens usque Pictavim in monasterio Sanctȩ Crucis venit, et ibi non tantum a nobis
l.7 concedentibus sed etiam ab ipso crucis dominicȩ ligno ore confitens, manu tangens donum accepit, presente et cooperante domno Petro Pictaviensi episcopo. Eo videlicet
l.8 respectu quatinus illud venerabile lignum salutis nostrȩ precium supradicto comiti suisque heredibus esset remedium, si eo quo dictum est modo tenerent pactum. Sin vero
l.9 aliter facerent, pȩnam dampnationis eo cujus sanguine maduit vindicante incurrerent. Et ut hȩc nostrȩ auctoritatis preceptum inviolabiliter in futuro conservetur,
l.10 manu propria subter firmavimus aliisque firmandum tradidimus.
l.11 SIGNUM ABBATISSE HERMENGARDI. SIGNUM PETRI EPISCOPI.

1