Guillaume IV, duc d'Aquitaine et abbé de Saint-Hilaire, concède à Mainard des biens situés à Reniacus, moyennant un cens annuel de trois sous.

l.1 WILELMUS, divina ordinante clemencia Aquitaniensium dux atque preciosissimi confessoris Christi Hylarii abbas. Notum esse volumus omnibus fidelibus sanctae Dei aecclesiae tam
l.2 praesentibus quam etiam et futuris qualiter accedens ante nostram praesentiam patruus noster domnus Ebolus, sanctȩ Lemovicensis sedis episcopus atque jamdicti Beati Hylarii archiclavus, deprecatus est nos ut ali-
l.3-quid ex fraterno frausto quod est ex ratione beati Hylarii pertinentem, ex curte Cujon que est situm in villa que dicitur Reniacus, quantumcumque inibi jamdicto episcopo tenere videbitur, per consensum Archambaldi
l.4 ipsius curtis praepositi, cuidam viro nomine Mainardo, et duobus successoribus ejus quoscumque elegere voluerit, sub censu solidorum III concedere deberemus, quod ita et fecimus. Eo videlicet modo ut quam-
l.5-diu advixerint, teneant atque possideant cum mansionibus, pratis et vineis et puteo uno et terra arabili et jamdictum censum ad festivitatem sancti Hylarii que evenit kalendis novembris partibus fratrum persol-
l.6-vere non obmittant. Quod si ex ipso censu tardi aut neglentes pro aliqua difficultate apparuerint, geminatum censum reddant et jamdictas res nullo modo perdant. Precamur itaque omnes
l.7 successores nostros qui post nos futuri sunt ut hanc auctoritatem a nobis inviolabiliter factam conservent sicut suam a sequentibus obtaverint conservari. Ut autem hujuscaemodi ma-
l.8-nufirma stabilis et inconvulsa suo tempore firma permaneat, eam cum fidelibus nostris pariter firmavimus, eam [...?...] episcopo et praefati coenobii archiclavo cum aliis fratribus
l.9 inibi Deo excubantibus roborari decrevimus. SIGNUM WILELMI COMITIS ET ABBATIS. SIGNUM EBOLUS EPISCOPUS LEMOVICENSIS URBIS ATQUE CLAVIGER SANCTI HILARII.
l.10 Signum Adraldo vicecomiti. Signum Arbertus vicecomes. Signum Kadeloni vicecomiti. Signum Rotgarius cantor necnon praepositus. Signum Archambaldus praepositus. Signum Psalomoni subdecani.
l.11 SIGNUM BENEDICTO. SIGNUM JOSBERTO. SIGNUM ARBERTO. SIGNUM GIRORIO. SIGNUM ADEMARO. Signum Richardo. Signum Ansterio. Signum Aldoino. Adraldo. Rainaldo.
l.12 Issembardo. GOSCELMO. Gosleno. Rotberto. Josberto. Framnulphus sacerdos.
l.13 GOSFREDO. WIDONI. GIRORIO. RATFREDO.
l.14 Salomon [rogitus scripsit].
l.15 Data [...?...] januario, anno Domni DCCCCLXVIIII, indictione XI.