Bernard de la Roche cède un emplacement à l'abbaye de Marmoutier.

l.1 Quantum conferat utilitatis tradere scripti memoriȩ quecumque a monachis adquiruntur, nostris in causis et negotiis multociens experti
l.2 sumus. Cum enim, inpulsu diabolico agitati, perversi quique nostra nobis insidiis et calumniis suis auferre moliuntur, nos utpote, monachi
l.3 et velud columbȩ inbelles, non armis neque aliquibus viribus humanis sed veterum auctoritate cartarum et testimonio fidelium in publico
l.4 prolato, eorum perverse malignitati, in quantum nobis fas est, obviare studemus. Quod si forte facere negligeremus, nichil nobis ferme et ȩcclesiȩ rema-
l.5-neret; presertim his temporibus, quando multorum caritas refrigescit habundante passim malicia, seviente diabolo contra Dei servos per et se per suos nequiciȩ
l.6 ministros, tanto astutius et crudelius quanto cercius novit quia modicum habet regnandi tempus. Provide utilitati posterorum nostrorum, pro posse
l.7 nostro, providentes, per presentem cartulam eorum noticie transmittimus qualiter domnus Bernardus, de Rocha dominus, benefactor noster, jam dudum in soci-
l.8-etate et fraternitate monachorum beati Martini Majoris Monasterii pie receptus, illud quod jam predictis fratribus fecerat beneficium summo desiderio
l.9 augere et amplificare preobtans, plateam quandam eorum domibus conjunctam de proprio suo censu a Willelmo, de Exartis cognomine,
l.10 illo pacto emit ut ab illa hora in antea, absque fratris sui vel alicujus alterius calumnia, liberam potestatem vendendi eam atque
l.11 donandi seu quicquid vellet faciendi haberet. Hanc itaque necessariam fore reputans suprascriptis fratribus beati Martini Deo
l.12 sanctoque Leonio die noctuque inibi famulantibus, tota mentis devocione, dono tribuit et donationem inde in claustro sancti Leonii,
l.13 super missale aperto, cruce argentea superposita quam reverenter osculando, premissa oblatione proprii argenti, XIII kalendas novembris
l.14 fecit; et Willelmum filium suum, qui huic donationi presens aderat, hoc donum, quod fecerat cum oblatione argenti et deosculatione
l.15 crucis, benigno animo concedere fecit. Hujus rei testes sunt ex nostra parte: Gaufredus Mischinus, Paganus de Vanalccio, Raginaldus famulus.
l.16 Ex parte domni, Bernardi testes sunt: Guillelmus filius ejus, Normannus, Budicus, Ansterius camberlamus et alii quamplures, Girardus Pertusellus.
l.17 Ipso die Willelmus jamdictus de Exartis, sine sui ac suorum calumnia heredum, hoc donum possidere in perpetuas aeternitates nobis concessit, presentibus
l.18 et audientibus ipso domno Bernardo, Normanno, Budico, Johanne clerico, Ansterio camberlano.
l.19 De monachis affuerunt huic et supradicte concessioni: Herveius qui tunc de Rocha prior erat, Raginaldus prior de Fontanis,
l.20 Raginaldus de Asiano. Pro hac vero donatione, solemniter atque voluntarie nobis facta, prefato
l.21 Bernardo XII libras et X solidos denariorum et duos argenti ciphos precio C solidorum et filio suo Guillelmo XXX solidos Herveius prior,
l.22 suscepti benefici non inmemor, caritative dedit. Factum est autem hoc anno dominice incarnationis MCXI, luna XV.
l.23 Ludovico rege regnante Philippi regis filio, comite Pictavensium Willelmo, Petro episcopale cathedram optinente.
l.24 Signum domni Bernardi [croix], Signum filii ejus [croix].

1