Le viguier Gilduin cède à l'abbaye de Marmoutier, où il entre comme moine, le tiers de la viguerie de Sigournais.

l.1 Notum sit omnibus quod Gilduinus vicarius, deveniens monachus noster, dedit beato Martino
l.2 Majoris Monasterii et nobis ejus monachis tertiam partem vicariȩ Segorniaci
l.3 et dimidiam bordariam terrȩ apud Tiroicum sitam, concedente Gausfredo fratre ejus,
l.4 qui cognominatur Guerricus, et auctorizante Mauricio, domino Podalgiarum, de cujus
l.5 fevo erant. Cujus concessionis donum misit prefatus Gausfredus Guerricus primum in manu domni
l.6 Lisoii monachi, prioris Segorniaci, et postea super altare sancti Saturnini. Domnus vero Lisoius primo,
l.7 et postea domnus abbas noster Bernardus revestiverunt eum de benefacto nostrȩ societatis. Unde
l.8 testes sunt: Petrus Gondoetus, et Astho frater ejus, Tetbaldus de Sancto Paulo, Tetmarius de
l.9 Ramata, Guillelmus de Branlia, Rodulfus de Retorta. Isti sunt testes primi doni de
l.10 tertia parte vicariȩ et primȩ concessionis Gausfredi Guerrici. Isti vero alii sunt testes
l.11 quando Gausfredus Guerricus posuit donum concessionis super altare sancti Saturnini.
l.12 Ex parte illius: Gaulterius serviens et Raimbaldus de Sancto Medardo. Ex nostra vero parte:
l.13 Gausfredus Panis Tortus. Monachi autem: Hainricus de Anedolio et Fulco de Sablolio.
l.14 De dono quoque Gilduini, de predicta dimidia bordaria terrȩ, et de concessione
l.15 Gansfredi Guerrici fratris ejus, testes sunt: Rainaldus, Guarnerius, Gausfredus famulus.
l.16 Actum anno secundo a dedicatione Majoris Monasterii ab Urbano papa facta.

1