Raoul, archevêque de Reims, confirme à la collégiale Saint-Symphorien de Reims toutes ses possessions ; les chanoines seront justiciables de leur propre chapitre.

l.1 [chrisme] RODULFUS, licet indignus superna disponente clementia Remensis archiepiscopus, congregationi ȩcclesiȩ Sanctorum Apostolorum et Sancti SYMPHORIANI, tam his quorum tempora nostra presentialis existentia attin-
l.2-git, quam his quorum nos posteritas subsequutura expectatur, imperpetuum. Piȩ postulatio voluntatis effectu prosequente debet compleri. Quamobrem nos postulationem dilectionis vestrȩ benigne suscipientes, postulatum vobis ac-
l.3-commodamus effectum. Vestri itaque desiderii petitionibus annuentes, ȩcclesiam prenominatam que [episcopalis c]athedre [dign]itatem temporibus primorum novem Remensium pontificum habuisse dinoscitur, in qua ad Deo serviendum
l.4 attitulati estis, presentis privilegii auctoritate munimus. Universa enim ad ȩcc[lesiam vestr]am pertinentia vobis vestrisque successoribus perpetualiter tenenda confirmamus, videlicet mansum indominicatum de Guiste-
l.5-reio cum tota villa, cum vicecomitatu, banno, et omnibus aliis appendiciis ejusdem [vil]lȩ, altare de Guistereio cum tota ȩcclesia, et cum capellis suis quȩ sunt apud Maireium, Buriniacum et Marconeii
l.6 curtem, altare de Fraxina cum tota ȩcclesia et capellis suis, quȩ fuerunt apud Baviseium et Ansilerias, item altare de Berruco, altare sanctae GENOVEFAE cum capellis suis, quȩ sunt apud Bisannas
l.7 et Luh, item altare de Mearco cum capellis suis, quae sunt apud Burgum et Corneium, altare de Colummis, altare de Marcheneio, altare de Frasneio, altare de Menra, altare sancti
l.8 HYLARII, domus vestrae ac suburbia quȩ sita sunt ante portam Carceris, ab omni exactione et jure ministerialium nostrorum successorumque nostrorum libera prorsus habeantur, sicut et hactenus habita
l.9 sunt. Centum etiam jornales terrae arabilis de dote altaris sancti SYMPHORIANI qui jacent in territorio de Curte monasterioli cum censu et decima, et decimam terrae
l.10 quae similiter est de dote altaris, quae jacet in territorio de Nantolio, thesaurarius ȩcclesiae vestrae ad facienda quae necessaria erunt in eadem ȩcclesia perpetuo possideat. Si quis vero de quo-
l.11-libet vestrum clamorem fecerit, nulli personȩ licitum sit vos extra capitulum vestrum in causam trahere, sed in capitulo vestro per decanum vel per abbatem vestrum justitiam exsequamini, concanonicorum vestrorum
l.12 judicio. Preterea quȩcunque eadem ȩcclesia in presentiarum juste possidet, quȩcunque etiam in futurum concessione pontificum, liberalitate principum, vel oblatione fidelium legitime poterit adipisci, fir-
l.13-ma vobis vestrisque successoribus et illibata permaneant. Ad hoc decernimus ut nulli omnino hominum liceat eandem ȩcclesiam temere perturbare, aut ejus possessiones auferre, vel ablata retinere, minuere, vel
l.14 temerariis vexationibus fatigare, sed omnia integra conserventur, eorum pro quorum substentatione, et gubernatione concessa sunt usibus omnimodis profutura. Ut autem hujus nostri privilegii pagina ra-
l.15-ta permaneat et inconvulsa, sigilli nostri impressione, ac probabilium personarum testimoniis eam muniri ac roborari precepimus.
l.16 Signum Odonis abbatis beati REMIGII. Signum Hugonis Altovillarensis. Signum Haiderici abbatis Mosomensis. Signum Joffridi abbatis Sancti Theoderici. Signum Odonis abbatis Sancti PETRI Orbacensis. Signum Joranni abbatis beati NYCHASII.
l.17 Signum Hugonis abbatis Sancti Basoli. Signum Duranni abbatis de Maurimonte. Signum Ursonis abbatis Sancti Dyonisii canonicorum.
l.18 Signum Nycholai archidyaconi. Signum Ȩbali prepositi. Signum Joffridi decani. Signum Lamberti cantoris. Signum Gerardi, signum Elberti, signum Adȩ, signum Odonis presbiterorum. Signum Fulcuini, signum Ermenrici, signum Fulchradi,
l.19 signum Richardi dyaconorum. Signum Symonis, Gerardi, signum Thomȩ, signum Rodulfi subdiaconorum.
l.20 Actum Remis, anno incarnati Verbi millesimo CoXVIIIIo, indictione XIa,
l.21 regnante HLUDOVICO gloriosissimo rege Francorum anno XIIo,
l.22 archiepiscopatus autem domni RODULFI, anno XIIIo.
l.23 FULCHRADUS cancellarius recognovit, scripsit et subscripsit [croix].
l.24 [sceau].

MARLOT (G.), Metropolis Remensis historia, 2 vol., Lille et Reims, 1666-1679, t. 2, p. 239 (fragments).

Gallia Christiana in provincias ecclesiasticas distributa, Paris, 1715-1785 et 1856-1865, 16 vol., t. 10, Instr, col. 36-37.

MIGNE (abbé Jacques-Paul), Patrologia Latina 163 (Paschalis II, Gelasius II, Hugo de S. Maria, Guillelmus de Campellis, Lambertus Audomarensis), Paris 1854, col. 1425-1427.F.

DEMOUY (Patrick), Actes des archevêques de Reims d'Arnoul à Renaud II, 997-1139, 3 vol., th. dact, Nancy, 1982, t. 2/1, p. 454-457, n° 173.