Après les avoir longtemps contestées, Gérard reconnaît et approuve les donations à Sigournais faites à l'abbaye de Marmoutier par Zacharie.

l.1 IN PRESENTIUM ac futurorum fidelium precipueque successorum nostrorum volumus venire notitiam quia
l.2 Girardus, Rainbaldi de Tefalgia filius, qui prius calumniabatur quicquid Zacharias beato Martino
l.3 monachisque Majoris Monasterii pro anima sua dederat apud Segurniacum, eo quod patris sui
l.4 fuerat, ejusdem videlicet Rainbaldi, postea nobiscum ad hunc concordiȩ finem devenit.
l.5 Expetito namque a nobis et accepto animȩ patris sui beneficio nostri loci, sibique solidis viginti
l.6 sic omnia, quȩ prefato sancto data fuerant ab eodem Zacharia, et annuendo consensit et consentiendo
l.7 annuit. Necnon et Agnes, filia Petri de Alpetrensi, qui post mortem ejusdem Rainbaldi fratris sui
l.8 totum illum honorem habuit, hanc donationem, pro anima patris sui, libenter auctorizavit.
l.9 Ut autem istud auctoramentum stabilius haberetur ac firmius, factum est in manu Haimerici,
l.10 Toarcensium vicecomitis, presenti matre Adenaure atque Savarico fratre ejus, sub testimonio suorum
l.11 qui aderant fidelium quorum hȩc sunt vocabula: Basilius de Toarcio, Gausfredus filius ejus,
l.12 Harduinus nepos ejus, Gausfredus Rufus, Guillelmus de Nivorto, Adelardus cognomento Vaccion.
l.13 De monachis: Ademarus, Haimericus. De famulis: Guillelmus Bloiellus, Hilduinus de Sartrino.

1