< --- >

Censier

En non del pere et del fil et de saint Esperist. Ci comance li registres au seignor de Neelles des censies et des rantes que l’an doit chascun an randre et paier au seignor ou a son commandement ; et cest registres fu comanciez lou mardi après la Trinité, quant li anz de l’incartion nostre seignor Jhesucrist estoient mil dous cenz sexante et unce, et lou fist faire Jehanz, sires de Neelles, escuiers ; en tel meniere que il an chascune des villes qui ci sont contenues fist eslire des plus prodomes et de ces qui miez devoient savoir les rantes et les leus et les choses por quoi l’on les doit et lour fist jurer sor sainte Evangile que il bien et lealmant deviseroient et les leus et les rentes ; et avec ce orent il avisemant sus les viez escriz de sexante anz ou de plus, mas an cestui escrist mist l’en specialmant les noms de ces et de celes qui adonc tenoient les leus por quoi l’en doit les rantes ; et comance lou premiers de Charantois.

Charantois // Censier an marz

• Roberz li filz Houlri de Charantois por sa vigne que est assise desouz la borde delez la voie de la borde d’une part et de l’autre part delez la vigne Girart Boter doit 3 maailles.
• Girarz Barers por celi suie vigne que touche d’une part a la dite vigne Robert lou fil Houlri et d’autre part a la vigne Jannet lou fil Menihet doit 1 denier.
• Jannez li fiz Menihet por cel suie vigne que touche d’une part a la dite vigne Girart Boter et d’autre part a la vigne Landri de Semur doit 1 maaille.
• Landriz de Semur por celi suie vigne que touche d’une part a la dite vigne Jannet lou fil Menihet e d’autre part a la vigne Estevenet lou fil Chiere de Semur doit trois maailles.
• aEstevenez li fils chiere de Semur por cele suie vigne que touche d’une part a la dite vigne Landri de Semur et d’autre part a la vigne a la Pichenasse bien li avient doit trois maailles.
• Pichenasse bien havient por cele vigne que doucheb d’une part a la vigne dou dit Estevenet et d’autre part a la vigne Pierre Buretiaul de Semur doit trois deniers.
• Pierre Buretiaus de Semur por cele suie vigne que touche d’une part a la vigne de la dite Pichenasse bien havient et d’autre part a la vigne Bonet Bertin de Semur doit dous deniers.
• Bonez Bertins de Semur por cele suie vigne que touche d’une part a la dite vigne Pierre Buretiaul et d‘autre part a la vigne a la damoisele de Chamont doit dous deniers.
• La damoisele de Chamont por cele suie vigne que touche d’une part a la vigne Bonet Bertin et d’autre part a la vigne Giradot Buretiaul de Semur doit une maaille.
• Girardos Buretiauz de Semur por cele suie vigne que touche d‘une part a la dite vigne a la damoisele de Chamont et d’autre part a une vigne aus mesiaus de Semur doit dous deniers.
• Joberz del Bavoy por une suie vigne que est assise d’une part sux la riviere delez la vigne Girardot Buretiaul et d’autre touche a la vigne Harbert lou fil Meryhet doit une maaille.
• Herbers li filz Meryhet por cele suie vigne que touche d’une part a la vigne Jobert del Bavoy et d’autre part a la vigne Jannet lou fil Meryhet doit une pegeise.
• Jannez li filz Meryhet por cele suie vigne que touche d’une part a la dite vigne Herbert et d’autre part a la vigne Perrenet de Borbilley doit 7 deniers.
• Perrenez de Borbilley por cele suie vigne que touche d’une part a la dite vigne del dit Jannet et d’autre part a la vigne Guienot Godier doit 7 deniers.
• Guienoz Godiers por cele suie vigne que touche d’une part a la dite vigne Perrenoit de Borbeilley et d'autre part a la vigne Herbert leu fil Meryhet doit une maaille.
• Herbers li filz Meryhet por cele piece de vigne que touche d’une part a la vigne Guienot Godier et d’autre part a la vigne Dadin Godier doit une pegeise.
• Dadins Godiers et Guienoz ses freres por cele vigne que touche d’une part a la dite vigne deu dit Herbert et d’autre part a la vigne Girart Boter doivent 1 maaille.
• Toutes ces devant dites censies sont des vignes assises desouz la brade.
• Cestes censies ci après sont des vignes assises au Mont Liébaut.
• Duranz Pancars por une suie vigne que touche d’une part a la vigne au seignor de Chevigney et d’autre part a la vigne mon seignor Guion Buretiaul doit trois deniers.
• Mes sires Guiz Buretiaus por cele vigne que touche d’une part a la vigne Durant Pancart et d’autre part a la vigne Jannet de Semur, lou maçon, doit quatre deniers.
• Jannez de Semur, li maçons, por cele vigne que touche d’une part a la vigne mon seignor Guion Buretiaul et d’autre part a la vigne Perenet lou Porpointier doit 6 deniers.
• Li maitres de la maison Deu de Semur por une suie vigne que est assise delez lou clox d’une part et d’autre touche a vigne Thiébaut de Broies doit trois deniers.
• Thiebauz de Broies por cele vigne que touche d’une [part] a la dite [vigne] de la maison Deu et d’autre part a une vigne maismemant de la maison Deu doit un denier.
• Cele autre vigne de la maison Deu que touche d’une part a la dite vigne Thiebaut de Broies et d’autre part a la vigne d’Annois de Monestruel doit quatre deniers.
• Une autre vigne de la maison Deu que touche d’une part au chex et d’autre part a une vigne mon seignor Guillaume de Chamont doit trois deniers.
• Li priours de Nostre Dame de Semur por une suie vigne que est assise el chex et touche d’une part a une vigne de la maison Deu et d’autre part a une vigne que est aus mesiaux de Semur doit trois deniers.
• cNaudez Chevaliers por une suie vigne asise delez lou guey de Chevagney et touche d’une part a la vigne mon seignor Guion Chevalier et d’autre part a la vigne mon seignor Jehan de Gemay doit trois deniers et une maaille.
• Duranz Varrez por sa vigne que touche d’une part a la terre au seignor de Neelles et d’autre part a la vigne mon seignor Guillaume de Monestreul doit un denier.
• Joberz de Borbeilley por une suie vigne assise an bacherme que touche d’une part a la vigne Saubelot de Chavigney et d’autre part a la vigne Berrier desus la vigne au seignor de Neelles doit quatre deniers.
• Ci après commancent li cens des prés de Charantois.
• Poincez li fil Jofrey de Charantois por son pré assis soz les vignes qui touche d’une part a la vigne Nauder Chevalier et d’autre part au prey Daudin doit un denier.
• Daudins por celi sien prey qui touche d’une part au dit prey Poincet et d’autre part au prey Naudot Chevalier doit un denier.
• Naudez Chevaliers por celi sien prey qui touche ouchec-bis d’une part au pré Daudin et d’autre part au pré Poponz doit dous deniers.
• Naudez Chevaliers por une autre qui est aves desouz Milleriy et touche d’une part au champ Jonnet Presseaul et d’autre part est assis sux l’ague doit 6 deniers.
• Jehans Miray de Monestruel por son prey assis sux leu ru dou biez d’une part et d’autre part touche au chex au Godiers doit un denier.
• Wd Veignars de Gennar por son prey d’une part assis sur leu ru dou bief et d’autre part touche a la terre Adam de Gennay doit un denier.
• Bertriers por son prey qui touche d’une part au bruil au seignor de Chevigney et d’autre au prey Jannet Meryhet doit un denier.
• Jannez Merihez por son prey qui touche d’une part au dit prey Berthier et d’autre part au prey aus Godiers doit un denier.
• ePopons et sui frere por lour prey qui touche d’une part au bruil au seignour de Chevigney et d’autre part au pré Jannet lou fil Merihet doivent un denier.
• Charne por son prey qui touche d’une part au dit prey Popon et a ses freres et d’autre part a un autre prey Bertier et a ses freres doit un denier.
• Bertiers et sui frere por celui prey après lou prey Diarne et d’autre deg part delez les champs de Gennay, doivent un denier.
• Bertiers et sui frere por un autre lor prey assis an mal pas qui touche d’une part au champ au seignor de Neelles et d’autre part aus prés de la censie de Chevigney doivent un denier.
• Pepons et sui frere et Bertiers et sui frere por lour prey assis as Laschieres de tote part autre les préz de la maison Deu doivent trois deniers.
• Li prieurs de Saint Jehan de Semur por un sien prey que l’on dit prey Naudin delez Chevigney doit dous deniers.
• Guienoz qui fu fils Daihet de Charantois por son prey que il ha fait arer qui touche d’une part a la terre Naudet Chevalier qui fu ansimant préz et d’autre part a la terre Pointeillon de Monestruel qui refui prés doit un deniers.
• Poitreillons de Monestruel por cele terre qui fu préz que touche d’une part a la dite terre Guienot et d’autre part au champ Saint Gorge doit un denier.

Bahelou

• Ceu sont les censives landemain de Nativitey.
• Li max Gerars por sa maison assise antre la maison Valterot fil chevalier et la maison Exset et por son meys d’arriés doit trente et dous deniers.
• Li anfant Perrenet lou Formier et Viars li filz Lorant doivent quatre deniers por la tierce part dou meys d’au Litier et est cele tierce partie devers leu meys Champion.
• Marienoz la fille d’au Litier por sa maison et por l’autre tierce partie dou dit meys ou sa maisons siet doit quatre deniers.
• Boyvins et Jannez li Forestiers por la moitié de la dite maison et por l’autre tierce partie dou dit meys doivent quatre deniers.
• Androins li Escuhers por son més devant sa cour antre un meis au seignor de Neelles et la maison celui lou Paumier doit six deniers.
• Mes sires Regniers li chevaliers por la closiaus doit quatre deniers.
• Huez li escuihers por la comme de Chaugey delez lo champ aus convers doit douze deniers.
• Perrenoz li Sors por sa maison et por la fausse devant antre la maison au fevre et la maison mon seignor Perron lou Pervoire doit trois deniers.
• Mathiers Gorrars et Perrechous por lour maison assise après la maison Bernardet et por lor meys qui est darriés la maison doivent dix deniers.
• Bernardez li fiz Villaume por sa maison et por lo meys darrieis delez la maison Perrin Herviere doit dous solz.
• Perrins Gerdiax por sa maison et por lou meys darriés delez la maison Andrier lo Bochier doit seze deniers.
• Li mares des Truyes por sa maison qui fu Viart lou Lous et por lou meys darriés aprés sa maison a denver ( ?) six deniers.
• La Boitouse fille Regnaut lou Bovier por sa maison et por lou meys darriers aprés la maison Doucet doit douze deniers.
• Colins li fiz Gavart 12 d. dou mex au après Pasquet la Foule.
• Henrioz li Betent 3 d. pour sa maison d’aisanne au prés lou four.
• Miloz li Escuiers 6 d. pour son mex devant sa tour autre un mex du seignor de Nelles et la maison Colin un q. au meus.
• Gauchers une geline de son mex au prés lou mex madame Ysabaul.

Corbeton

• Ci commancent les censies de Corbeton que l’an doit chascun an lou jour de la Marreinche.
• Bucheriz de Montbart por sa vigne assise es Fahis que touche d’une part a la vigne Jannet Corberant et d’autre part a la vigne Guillaume Espallart doit sex deniers.
• Héhez li Fructiers por la vigne essise el platial que touche d’une part a la vigne Odot lou Boitous et d’autre part a la vigne Lambelin Brunet doit dous deniers.
• Odez li Boitous por cele vigne que touche d’une part a la vigne Hehet lou Fructier et d’autre part au clox au seignor de Neelles doit nuef deniers.
• Lambelins Brunez por sa vigne del platial que toche d’une part a la vigne Symon de Corbeton et d’autre part au clox au seignor de Neelles doit un denier.
• Li abbés de Fontenoy por la vigne qui fu Durant L’Escallier assise au champ Raont que toche d’une part a la vigne Regnaut lou Boitous et d’autre part a la vigne Girart Touchet doit un denier.
• Et por un autre vigne assise an la coste de Marmaingne qui fu Meline dou Perier et toche d’une part a une vigne del caillier et d’autre part aus lor vignes de Fontenoy doit dous deniers.
• Et por une autre vigne assise an la coste de Corbeton que fu Bernart Bozuele et toche d’une part a la vigne Michial Pahu et d’autre part a la vigne Robert Filebert doit trois deniers.
• Et por une piece de terre qui fu Bernart Bozuele assise sux la riviere de Corbeton et toche d’une part a la vigne Symont de Valgimois et d’autre part a la terre Michial Pahu doit trois deniers.
• Filippes li Tointuriers por une piece de terre que Boillez vendit que toche d’une part a la terre mon seignor Colin del Pastiz et d’autre part a la bone del Foullon doit un denier.
• Robelins diz Moines de Marmaigne por sa vigne de champ Reont que toche d’une part a la Henriot Masine et d’autre part a la vigne Adelinete de Corbeton doit un denier.
• Adelinete de Corbeton por celi vigne a la dite vigne Robelin et d’autre part a la vigne Perrin lou Vaicher doit un denier.
• jPerrins li Vaichiers por celi vigne que toche d’une part a la dite vigne Adelinete et d’autre part a la vigne Girart Mochous doit une maaille.
• Girarz Mochous por celi vigne qui toche d’une part a la dite vigne Perrin Vaichier et d’autre part a la vigne Antoine Cornet doit [laissé en blanc].
• Li maitres del Caillier por lor vigne de champ Reont que fu Pierre Chabet et toche d’une part a la vigne [laissé en blanc] et d’autre part a la vigne Antoine Cornet doit un denier.
• Henriéz Masnie por sa vigne de champ Reont que toche d’une part a la vigne Adelinete de Corbeton et d’autre a la vigne Robelin dit Moine doit une maaille.
• Micheloz Choigaiers por la moitié de cele maismes vigne doit une maaille.
• Herbelens li genres Guillemin por sa vigne que toiche d’une part a la vigne Adelinete de Corbeton et d'autre part a la vigne Perrin lou Vaichier doit un denier.
• Girarz d’Ambede por sa vigne de champ reont que toche d’une a la vigne Henrier Masme et d’autre part a la vigne Andrier Chabet doit un denier.
• Andriers Chabez por cele vigne que toche d’une part a la dite vigne Girart d’Ambede et d’autre part a la vigne Symon de Corbeton doit un denier.
• Symonz de Corbeton por cele vigne que toche d’une part a la dite vigne Andrier Chabet et d’autre part au desert de Fontenoy doit un denier.
• Jannez de Montbar li monniers por sa vigne de champ reont que toche d’une part a la vigne Jehan dit Maire et d’autre part a la vigne Regnaut le Boitous, un denier.
• Girardins Bormant por une que toche d’une part a la dite vigne Jannet Monnier et d’autre part a la vigne de l’escheoite Thiebaut leu Maire, une maaille.
• Perreaus de Corbeton, li maires, por sa vigne de champ Reont que toche d’une part au desert Perrin lou Gras et d’autre part au desert Girart Truchet, un denier.
• Perrins li Gras por celui desert que toche d’une part a la dite vigne Perreal lou Maire et d’autre part a l’escheoite Thiebaut lou Maire doit une maaille.
• Gellebers Pomere por sou desert de Vaudreie que toche d’une part au desert aus moines de Monbar et d’autre part a la plante Perrin Pochet, une maaille.
• kJehanz la fille Perrin Pochet por sa plante de Vaudree que toche d’une part au desert Gellebert Pomete et d’autre part ala comme Michial Pahir doit un denier.
• Perrins Vaichier por son desert de Vaudree qui toche d’une part au desert Gellebert Pomete et d’autre part au desert Adeline Rifolasse doit un denier.
• Adeline Rifolasse por celui desert que toche d’une part au dit desert Perrin Vachier et d’autre part a un desert deu taillier doit une maaille.
• Cil deserz del taillier que toche d’une part au dit desert Adeline Rifolasse et d’autre part au desert Michial Pahir doit une maaille.
• Michiax Pahuz por son desert qui toche d’une part lou desert Adeline Rifolasse et d’autre part est sux la riviere doit une maaille.
• Cele vigne que fu Jehan lou fil au maire dont li contenz est doit trois deniers.
• Symons de Corbeton por son desert de Vaudree que toche d’une part a la voie de Fontenoy et d’autre part toche est sux la riviere doit un denier.
• Perrinez Brilles por son champ des lanieres qui est d’une part sux lou chemin de Fontenoy et d’autre part toche au desert Symon de Corbeton doit six deniers.
• Duranz Luisanz por son champ de la laniere qui toche d’une part au desert Symon de Corbeton et d’autre part au champ Michial Pahu doit un denier.
• Perrenoz Petiz por so champ de la laniere qui est sux lou chemin de Fontenay d’une part et d’autre part toche au champ Pierre lou Gras doit trois deniers.
• Jehanz li fiz Perin lo Maire por sou champ qui d’une part contorne sux lo fornial et d’autre part sux lou chemin de Fontenoy doit dous deniers.
• Pasquete de Corbeton por sa vigne que toche a la comme as mesiaus et por son champ del fornial au chemin des Alemanz doit un denier.
• Et por son desert qui fu Robin qui est sux lo chemin del bois d’une part et d’autre part toche au champ es mesiaus doit un denier.
• Li mesiaul por lor desert delez les forches d’une part et d’autre part et d'autre partl delez lo desert qui fu Robin doivent dous deniers.
• Li mesiaul por lor champ qui fu as Tointuriers et contorne d’une part sux la voie de lor bergerie et d’autre part sux lo chemin de Corbeton un denier.
• Li mesiaul por lor champ qui fu Durant Luiant qui est rouer a roie deu dit champ as Tointuriers doivent un denier. Li mesiaus por la comme que fu Anseaume le Poiz et contorne sux la voie de lor bergerie et toche de l'autre part a la vigne Pasquete de Corbeton doivent trois deniers.
• mPerrenz Brullez por la maison et por la masiere qui sunt sux la fontene de Corbeton [il manque un mot, caché par la reliure].
• Michiax Pahuz por sa plante del montain que toche d’une part a la hosche Regnaut Tostuher et d’autre part a la vigne Philippe le Teinturier doit trois deniers.
• Gesuhez li Juis por la vigne qui fu Valteran lou Rohier que toche d’une part sux la rue de Corbeton et d’autre part a la vigne que fu Estevenet lo Rohier deus […].

Corbeton

• Leu jour de la Nativité Nostre Dame de septembre doit l’en chascun an au seignor de Neelles ces censies.
• Bernars Choldet por sa plante au chasne que est de toutes parz antre les vignes Gesuhet doit une maaille.
• Gesuhez li Juhis por sa plante del chasne que est d’une part sux la voie que va de Corbeton a Montbar et d’autre part est delez lou pray Odot lou Boitous doit trois deniers.
• Symons de Montbar li merriers por une hosche an la molliere que toche d’une part au pray Odet lo Boitous et d’autre part contorne sux lou pastiz de Corbeton doit cinc deniers.
• Marguerite Chaffoz por une hosche an la molliere que contorne d’une part sux lo prex Bucheri et d’autre part toche a losche Simon lo Mercier doit dous deniers.
• nMaterye de Corbeton por son cortil darriers la maison Symon qui toche d’une part a losche Saint Antoine et d’autre part au cortil Durant Lusant doit une maaille.
• Duranz Lusanz por celui cortil qui toche d’une part au dit cortil Materye et d’autre part au chemin de Corbeton doit une maaille.
• Richars li Vachiers por son cortil qui toche d’une part au cortil Durant Lusant et d’autre part au cortil Symon lou Maire doit un denier.
• Symons li Maires por son cortil qui toche d’une part au dit cortil Richart lou Vacher et d’autre part au cortil Regnaut lou Boitous doit un denier.
• Regnauz li Boitous por celui cortil qui toche d’une part au dit cortil Symon lo Maire et d’autre part a la maison celui Symon doit une maaille.
• Perrenez Brulez por son cortil qui toche d’une part au cortil Regnaut lo Boitous et d’autre part au cortil Symon lou Maire doit une maaille.
• Symons li Maires per sa maison qui toche d’une part a la hosche Saint Antoine et d’autre part au cortil Marguerite Chaffet doit dous deniers.

Corbeton

• A la feste Saint Martin d’Iver doit l’on au seignor de Neelles a Corbeton ces censies.
• Henrihez Herrelous por une hosche assise as préz que toche d’une part au pastiz et d’autre part a l’osche Lambelin Brunet de Montbar doit 12 d.
• Perreaus li Harpenterres por une hosche que toche d’une part a la dite hosche Henrihet Berrelon et d’autre part a l’osche Materye de Corbeton sex deniers.
• Materye de Corbeton por cele hosche que toche d’une part a l’osche Perriaul l’arpenteur et d’autre part a la grange a l’abey de Chasteillon sex deniers.
• La grange a l’abéy de Chasteillon doit dix et huit deniers.
• Perrins li Gras por ses neveus por une hosche delez la grange a l’abey d’une part et d’autre part delez la hosche Perrenet lo Rohier six deniers.

Ceu sont les censies de la Saint Remi.

• Andriers de Corbeton por sa maison.
• Matelye la fille au Rohier doit un bichot d’avoine por sa maison deant lou presseour d’autre part de la voie.
• Jehanz li fiz Perrin lou Maire un bichot d’avoine por sa maison que toche a la dite maison Matelye de la quel maison la moitiez est escheoit a Jehan, seignor de Neelles.
• Perrenelle la fille Aubert un bich d’avoine por sa maison et por son cortil, darriers la quex maisons est assise après la maison Micheaul Pahu.
• Michelez Chevigniers un bichot de avoine por sa maison et por lo cortil encostre et est essise sux la voie devant la cheminee Micheal Pahu.
• Herbelous li genres Guillermin Joceaume un moteon de avoine por son cortil qui siet antre la grange a l'abey de Flavigney et d’autre part delez la grange Adeline la famme a l’abey de Flavigney.
• Symons li Maires un boiseaul de avoine por un jornel de terre assis delez lou foullon de Montbar et est assis antre les terres mon seignor Colin dou Pasquiz.

Comment citer cette notice

Xavier   Hélary . " Le cartulaire de la seigneurie de Nesle ( 1269 , Chantilly , 14 F 22 )", dans Le cartulaire de la seigneurie de Nesle , , Orléans : Institut de Recherche et d'Histoire des Textes , 2006 . [en ligne]. http://www.cn-telma.fr/nesle/censier/.