IRHT

> Actes

<Acte 82>

Regeste

Frère Jean, abbé de Quincy, notifie que comme Sevestre li Maiselier de Cusey et son compagnon ont acheté au seigneur de Nesle la paisson dans ses bois de Nesle en 1282 ; que l’abbaye de Quincy doit faire paître 60 porcs ; et que Sevestre a promis de donner à l’abbaye 9 l. t., il n’en y aura aucun dommage pour le seigneur de Nesle.

Acte

A tous ces qui verront ces presentes letres freres Jehans, abbés, et touz li convanz de Quincy, salut. Saichiez tuit que com Sevestres li Maiselier de Cusey et su compaignon haussient achetée dou seignor de Naelles la paisson de ses bois de Naelles an l’an de grace m. et dous cenz et iiiixx et ii, la quele paisson nos povons et devons chiescune année motre lx. pors et li devant diz Sevestres nos promit que nos nos soiffressiens de motre les devant diz lx. pors et il nos donroit 9 l. de tornois, les queles il nos doit randre et baillier, nos volons et otroions que ceste chose ne puisse nuire au dit seignor de Naelles, ne nos aidier quan au tans qui est a avenir, sauf lou droit que nos havons an la devant dite paisson. Ou tesmoingnaige de la quel chose nos havons [mis, omis par le scribe] nostre seal an ces presentes letres. Ce fuit fait an l’an de grace m. et dous cenz et iiiixx et dous, lou jor de feste Saint Benaoit.

Comment citer cette notice

Xavier   Hélary . " Le cartulaire de la seigneurie de Nesle ( 1269 , Chantilly , 14 F 22 )", dans Le cartulaire de la seigneurie de Nesle , Orléans : Institut de Recherche et d'Histoire des Textes , 2006 . [en ligne]. http://www.cn-telma.fr/nesle/acte 82 /.

Mentions légales | Colophon | Contacts | Haut de page