IRHT

> Actes

<Acte 81>

Regeste

Dans l’affaire qui oppose devant lui Jean, seigneur de Nesle, d’une part, et Naudin de Coulmier, dit du Chemin d’Aisey, de l’autre, à propos de biens dont ledit seigneur de Nesle réclamait d’être mis en saisine, Pierre d’Autun, bailli d’Auxois et de la Montagne, met Jean de Nesle en possession des biens qu’il réclamait mais donne raison à la femme et au fils de Naudin ; ce dernier, mort entretemps, prétendait que Jean l’avait autorisé à trouver un autre seigneur que lui.

Acte

Cum descorz fust et cause meue par devant nos Pierre d’Ostuiu, bailli de Auxois et de la Monteingne por noble baron Robert, duc de Bergoingne, entre mon seignor Jehan, seignor de Neelles, d’une part, et Naudin de Colomex dit deu Chemin d’Aysey d’autre part, sux ceu que li diz mes sires Jehanz disoit contre leu dit Naudin et nos requeroit que nos leu meissiens an saisine de mobles et de heretaiges, es quex nos haviens mise la main, qui estoient en sa justise et en sa seignerie, et des quex il estoit saisiz quant nos i meismes la main, et li diz Naudins affermast ausimant que il estoit saisiz des diz biens au jor que nos i meismes la main ; et sux ce que li diz Naudins [fol. 106v] contre leu dit mon seignor Jehan disoit que icil Jehanz li havoit doné congié de faire seignor cui lui plairoit et que il ne saroit jamais ses hons ; faites et proposées les devant dites chouses par devant nos de l’une partie et de l’autre decai et delai et fait lou ney sux les dites chouses en antantion d'antamer lou plait produz et amenez, jurez, examinez diligemant et publiez les tesmoingnaiges ; et d’une part et d’autre, faites et receues les raisons des parties contre les personnes de tesmoingnaiges, et contre les diz, veues et oies et diligemant antandues les raisons d’une partie et d’autre, et faite conclusion en la cause lou juedi devant Pasques flories, l’an de grace mil dous cenz sexante et dix et sept, assigne jour a oir droit troinchiemant sur les devant dites quaroles, les parties estanz au jugemant par devant nos, leu devant dit Jehan par lui d’une part a Baignues et Meline famme deu dit Naudin et Lambelet son fil anpersigant la quarole du devant dit Naudin, mort pandant la dite quarole, comme hoir nos requerant et soploiant que nos donessiens droit et sentance diffinitive ; nos, veues et oies et diligemmant antandues les demandes d’une part et d’autre les diz des tesmoingnaiges et les raisons que l’une partie et l’autre voudrent proposer dou consoil de probes hommes haiant deu devant les eauz ; en non de Pere et deu Fil et deu Saint Esperit, adjugons au devant dit seignor de Neeles la saisine et la possession des diz mobles et des heretaiges et disons et a droit que il ha soffisammant provée s’antantion, et disons et a droit que li diz Naudins ha bien provee s’antancion que li diz mes sire Jehanz li dona congié de faire autrui seignor que lui et qu’il ne seroit jamais ses hons. Ou tesmoingnaige de la quel chouse nos havons sealées ces letres presantes de nostre seaul et les havons bailliés au dit mon seignor Jehan. Ceu fu fait et doné l’an et leu jour desux dit.[fol. 107v][fol. 108]

Comment citer cette notice

Xavier   Hélary . " Le cartulaire de la seigneurie de Nesle ( 1269 , Chantilly , 14 F 22 )", dans Le cartulaire de la seigneurie de Nesle , Orléans : Institut de Recherche et d'Histoire des Textes , 2006 . [en ligne]. http://www.cn-telma.fr/nesle/acte 81 /.

Mentions légales | Colophon | Contacts | Haut de page