IRHT

> Actes

<Acte 78>

Regeste

Colin et Jacot, frère de feu Gevre Colin dit de Gaes, autrefois bourgeois de Flavigny, font savoir qu’ils ont reçu 300 l. sur 1000 l. t. que Jean de Nesle, écuyer, leur devait, et somme pour laquelle Jean, sire de Châteauneuf, Jean, sire de Frolois, feu Etienne de Castres, chevalier, et feu maître André de Ravieres s’étaient constitués plèges, comme il apparaît dans une lettre scellé par Pierre d’Autun, bailli d’Auxois et de la Montagne, et du prieur de Notre-Dame de Semur.

Acte

Nos, Colins et Jacoz, frere Gevre Colin dit de Gaes, ça i en arriers borjois de Flavigney, façons savoir a touz ces qui verront et horront ces presantes letres que de mil livres de tornois que Jehanz de Neeles, escuiers, nos devoit, des quex mil livres de tornois que mes sire Jehanz, sires de Chasteuil Nuef, mes sires Jehanz, sires de Frolois, mes sire Estienes de Castres, chevaliers, qui morz est, et maitre Andriers de Ravieres, qui morz est, nos estient ploige et dotour, si commil est convenu en unes letres que nos havons sealées dou seaul Piere d’Ostuin, bailli d’Auxois et de la Monteingne et dou prior de Nostre Dame de Semur, que nos de ces dites mil livres havons heu receu trois [fol. 104v] cenz livres de tornois por quoi nos prometons en bone foi que nos jamais au dit Jehan, seignor de Neeles, ne a ses hoirs, les dites trois cenz livres de tornois ne demanderons mas l’an essolons et quittons por nos et por nos hoirs. Ou tesmoingnaige de ceu, nos, Colins et Jacoz desux nommé, havons mis nos seaus en ces presantes letres. Ceu est fait la voille de la Nativité Nostre Seignor, an l’an de grace mil et dous cenz et sexante et quinze.

Comment citer cette notice

Xavier   Hélary . " Le cartulaire de la seigneurie de Nesle ( 1269 , Chantilly , 14 F 22 )", dans Le cartulaire de la seigneurie de Nesle , Orléans : Institut de Recherche et d'Histoire des Textes , 2006 . [en ligne]. http://www.cn-telma.fr/nesle/acte 78 /.

Mentions légales | Colophon | Contacts | Haut de page