IRHT

> Actes

<Acte 74>

Regeste

Hugues, duc de Bourgogne, fait savoir qu’en sa présence les enfants de Milon de Saint-Florentin ont reconnu le partage qu’ils ont fait de l’héritage de leurs père et mère : les deux frères, Miles de Saint-Florentin et Huot, auront l’intégralité de l’héritage, à Poix, Maille, Noyers, Beaune, la terre d’Auvergne, ainsi que Corbeton, Montbard et Coulmier, ainsi que les terres achetées par leurs dits père et mère. Huot aura Corbeton, le moulin de Montbard, le péage de Beaune, moins la moitié des vignes de Corbeton, le més où se trouve le pressoir, le pressoir, et deux ménages d’hommes ; la justice est également partagée, chacun ayant la justice sur son domaine. Huot pourra cependant utiliser le pressoir sans verser de droit et il aura l’usage dans les bois de Poix. Au décès de Huot, Miles sera son seul héritier ; Huot tiendra sa terre en fief-lige de Miles ; si Miles mourait, ses enfants partageraient les terres de Huot en représentant solidairement les droits de leur père. Si les enfants de Guillaume de Saint-Florentin réclament quelque chose dans l’héritage de leur mère, Miles recouvrerait ces droits et ceux de ses frères sur Guillaume à Chandoisel (Huot, Guiot, Gaucher, André et Guillaume), et ce que les enfants de Guillaume emporteraient, Miles en ferait l’assise à Chandoisel ou à Poix. Miles et Huot ont tenu quitte Guiot, Gaucher, André et Guillaume, leurs frères, de toute la terre que leur père Miles tenait au moment de la confection de ces lettres ; du premier de ces quatre derniers frères qui mourra, ni Miles ni Huot n’auront rien ; des autres, ils prendront part au partage en qualité de frères. Tous ont juré de respecter cet accord et ont promis de le faire ratifier à Guillaume quand il en aurait l’âge. A la requête, le duc de Bourgogne a scellé l’acte.

Acte

Je, Hugues, dux de Bergoigne, faz savoir a touz qui ces letres verront que li anfant monseignor Milon de Saint Florantin estaubli en ma presance hont requeneu une tel partie qu’il hont faite par devant moi entraus de l’eritaige lor pere et lor mere, en tel maniere que mes sires Miles de Saint Florantin et Huoz emportera l’eritaige lor mere tot quite ; ce est a savoir a Poiz, a Maailles, a Noiers, a Biaune et la terre d’Auverne, et Corbeton et Monbar et Colommiers, et les conquez que li peres et la mere a ces anfanz ont faist en ces devant liz leus et en tel maniere que mes sires Miles et Huoz, ses freres, hont parti cel heritaige de par lor mere ; et cil Huoz emporte por partie et por acort Corbeton et les [fol. 100v] apartenances, et ceu que est ou molin de Monbar, et ceu qui est ou paiage de Biaune ; fors que tant que cil dist Miles, cheveliers, freres a cest dist Huot, amporte la moitié des vignes de Corbeton, et leu meis ou li pressors siet, et lou pressour, et dous mesnies d’ommes, ceu est a savoir Girart Mesniée et Jehan Chauvot et lor hoirs, et ceu que il hont, et la justise de cele devant dite ville de ce que il ja demeure a chascun, fors tant que mes sires Miles ha la justise ou pressour et sui heir mas que sor les hommes Huot et sor lor hoirs, sauf leu chatrel mon seignor Milon rendant, se li homme Milot lou forfont ; et cil Huoz pressorera au pressour mon seignor Milon sanz pressoutaige ; et cil Huoz ha son usaige es bois de Poiz a ses vignes et les tenoit de sa maison sanz vandre et sanz doner. Et cil Huoz, se il moroit, mes sire Miles hauroit l’escheoite sanz partie des autres ; et cil Huoz tient sa terre de mon seignor Milon en fié lige ; et se mes sire Miles moroit sanz hoir, tuit li anfant partiroient a l’escheoite comme frere ; et se li anfant mon seignor Guillaume de Saint Florantin vollent rien reclamer en les chouse a la mere a ces anfanz, mes sires Miles recouveroit sor mon seignor Guillaume a Chandoisel sa droiture et cele a ses freres, ceu est a savoir Huoz, Guioz, Gauchier et Androin et Guillemon [fol. 101] et ceu que li anfant mon seignor Guillaume emporteroie de la terre H.d mes sires Milles li asserroit a Chandoisel ou a Poiz. Et cil Miles chevaliers et Huoz ses freres hont quité a Guiot et Gauchier et Androin et Guillemin, lor frere, toute la terre que mes sires Miles, lor peres, tenoit quant ces letres furent faites et ceu qu’il porroit conquerre de hor en havant ; et dou premier qui morra de ces anfanz sanz hoir mes sires Mile ne Huoz n’auront rien en l’escheoite et des autres partiront comme frere. Et ceu hont il outroié par lour sairemant cist anfant et hont promis par lor fois a faire louer Guillemin quant il sera a aige ; et hont ceu fait fors d’avoerie. Et por ceu que ceu soit ferme chouse, a la requeste de ces anfanz, je hai sealees ces letres de mon seaul en l’an de l’incarnation nostre segnor mil et cc. et xlvii ou mois de septembre.

Apparat critique

d pour Huot

Comment citer cette notice

Xavier   Hélary . " Le cartulaire de la seigneurie de Nesle ( 1269 , Chantilly , 14 F 22 )", dans Le cartulaire de la seigneurie de Nesle , Orléans : Institut de Recherche et d'Histoire des Textes , 2006 . [en ligne]. http://www.cn-telma.fr/nesle/acte 74 /.

Mentions légales | Colophon | Contacts | Haut de page