<Acte 71>

Regeste

Isabelle, prieure du couvent de Juilly, fait savoir qu’elle a donné à Jean de Nesle, damoiseau, seigneur de Nesle, sa vie durant, les tierces que l’abbaye tenait à Nesle, pour deux setiers d’avoine à la mesure de Châtillon, que Jean devra délivrer à Nesle, aux moniales à la Toussaint. Après la mort de Jean, les tierces reviendront à l’abbaye.

Acte

A touz ces qui verront et orront ces presantes letres, nos Ysaubiaux, humble priouse, et touz li covenz de Julley, salut en nostre seignor. Saichent tuit que nos avons outroié et doné a tenir a Jehan de Neelles, damoisel, seignor de Neelles, tant commil vivra, nos tierces de Neelles, chascun an, por doues sextieres d’avoine a la mesure de Chastoillon, que li diz Jehanz doit randre et delivrer a nous ou a nostre commandemant certain, chascun an la feste Touz Sainz, a Neeles, por raison des dites tierces. Et aprés leu decés au dit Jehan, seignor de Neelles, les dites terres repaireront et revanront a nos et a nostre maison de Julle, sanz contredit des hoirs au dit Jehan ne d’autrui. Ou tesmoignaige de la quel chouse, nos havons ces letres sealées de nostre seaul. Ceu fu fait en l’an nostre seignor mil. cc. sexante et nuef, ou mois de marz.

Comment citer cette notice

Xavier   Hélary . " Le cartulaire de la seigneurie de Nesle ( 1269 , Chantilly , 14 F 22 )", dans Le cartulaire de la seigneurie de Nesle , Orléans : Institut de Recherche et d'Histoire des Textes , 2006 . [en ligne]. http://www.cn-telma.fr/nesle/acte 71 /.