IRHT

> Actes

<Acte 70>

Regeste

Henriet dit Moret, fils du mugot de Nesle, Colas de Coulmier, fils de feu Jean le Maire, Estevenin li Fornier, de Nesle, Jacques Vautrin et Jean, fils du dit Estevenin, Renaud, fils de Tirel, Aubert et Raoul, frères dudit Renaud Tirel, notifient que comme ils ont retenu à moisson de Jean, écuyer, seigneur de Nesle, trois charrues de bœuf, à raison d’une charrue pour Henriet Moret et Colas de Coulmier, une autre pour Estevenin li Fornier, Jacques Vautrin et Jean, fils dudit Estevenin, et une dernière pour Renaud Tirel et ses deux frères Aubert et Raoul, pour les cinq ans à venir, selon une convention scellée du sceau de la cour du duc de Bourgogne, l’accord est tel entre eux : si eux ou Jean de Nesle veulent renoncer à la convention, les prenants devront rendre l’amoisenement ils devront livrer du foin pour l’hiver pour les bœufs. Ils promettent sur les Evangiles de respecter l’accord et ils engagent leurs biens comme garantie.! Suit la liste des plèges : pour la première charrue, Euvrart d’Ele, bourgeois de Neelles, Parisot Bichot, Guillaume le Bornet, fils de la Bille le Malemelen, frère dudit Henriet, Renaut Tireaul et Jehan le Gouz, fils du bordellier, qui se sont engagés en la main de Jean de Nesle Droet, dit fils Droin Venneeaul, Henriet fils de Poincet, Parisot Brochet, Renaut Tireaul et Colas, qui se sont engagés en la main de Jean de Nesle Henriet dit Morot, Estevenin le Fornier, Jaquot Vauterin et Jehanz fils dudit Estevenin, Droot fils de feu Drooin Venneaul, Parisot Broichot et Jehan fiz au Gouz Bordelier, qui se sont engagés en la main de Jean de Nesle Tous ont promis de respecter leur engagement et de fournir des gages suffisants à Jean de Nesle. L’acte fut passé en la présence d’Etienne, notaire de Semur, André de Corpoier, chevalier, de André dit Sarragot, clerc, et de Huguenin dit li Jobelez, écuyer.

Acte

En non de nostre seignor Jhesucrist, amen. En l’an de l’incarnation d’icelui mil dous cenz sexante et dix et sept, ou mois d’avril, nos desux nommé, ceu est a savoir Henriez diz Morez fiz au mugot de Neelles, Colas de Colomex qui fu fiz Jehan le Maire, Estevenins li Fornex, de Neelles, Jaques Vauterinz et Jehans, anfant deu dit Estevenin, Renauz fiz Tireaul, Haubers et Raous, frere dou dit Renaut Tyreaul, façons savoir a touz ces qui verront et orront ces presantes letres que comme nos haions retenu a mooison de Jehan, escuier, seignor de Neeelles, trois charrues de buef, ceu est a savoir nos li diz Henriez Morez, Colas de Colomex une charrue, et nos li diz Estevenins li Fornex, Jaquoz Vauterins et Jehanz anfant d’icelui une charrue, et nos li diz Regnauz Tireaul, Aubers et Raous, frere d’icelui une autre charrue, jusque au termine de cinc anz continuemant venanz, ensi commil est cotenu en unes letres sealées dou seau de la cort mon segnor leu duc de Bergoigne, est tex li acorz entre nos et leu dit Jehan, seignor de Neelles, que les dites cinc années trespassées, se nos ou li diz Jehanz de Neelles ne voliens tenir ou avoir l’amoisenemant li uns vers les autres, nos qui havons retenu lou dit amooisenemant, devons leu dit amooisemant laissier randre audit Jehan ou a son commandemant, et delivrer fuerre de quoi li buef soient yverner des lors que buef vient a croiche jusque le premier jour [fol. 97] de may. Et prometons por nos sairemanz donez corporelmant sux sainz Evangiles et sor l’orbligemant de touz nos biens presenz et a venir, en quelque leu qu’il soient ou porroie estre trové, leu dit acort tenir et garder et faire ce qui est contenu ou dit acort et en ces letres, sanz corrumpre et sanz aler ancontre par nos et par noz hoirs, les quex nos obligons especialmant a ceu. Et a plus grant seurté de ce et de garder lealmant les diz bues, nos desux nommé Henriez et Colas qui havons la premiere charrrue en obligons et estaublissons au dit Jehan, seignor de Neelles, Euvrart d’Ele, borjois de Neelles, Parisot Bichot, Guillaume le Bornet, fiz a la Bille le Malemelen, frere de moi dit Henriet, Renaut Tireaul et Jehan lo Gouz, fiz au bordoillier, ploiges et doz chascun de la sexte partie et de toute de la premiere charrue. Et nos sex desux dit a la requeste a la requesteb de dit Henriot et Colas, nos obligons en la main de dit Jehan, seignor de Neelles, ploige et det chascuns de la sexte partie et deu tout. Et nos dit Estevenins, Jaquez et Jehanz, frere, de la secunde charrue, estaublissons et obligons Droet dit fil Droin Venneeaul, Henriot fil Poincet, Parisot Broichet, Renaut Tireaul et le dit Colas, ploiges et det chascuns de la quinte partie et deu tout. Et nos Droiz, Henrioz, Parisoz, Renauz et Colas, a la requeste des desux diz, nos obligons en la main deu dit Jehan, seignor de Neelles, [fol. 97v] ploige et det chascuns de la quinte partie et dou tout. Et nos diz Renauz, Auberz et Raols de la tierce charrue obligons et estaublissons en la main deu dit Jehan, seignor de Neelles, Henriet dit Morot, Estevenin le Fornier, Jaquot Vauterin et Jehanz fiz dou dit Estevenin, Droot qui fut fiz Drooin Venneaul, Parisot Broichot et Jehan fiz au Gouz Bordelier, ploiges et doz un chascun de la septeime partie et deu tout. Et nos diz Henrioz, Estevenins, Jaquos, Jehanz, Drouz, Parisoz et Johanz fiz au Gouz, a la requeste del devant diz, nos obligons en la main deu dit Jehan, seignor de Neelles, ploiges et dot, chascuns de la septime partie et dou tout. Et prometons nos cinc desux dit ploige ausi nos de la premiere charrue et de la secunde et de la tierce pour nos sairemanz donez corporelmant sor sainz evangiles bailliee au dit Jehan de Neelles, escuier, gaiges ou a son commandemant bons et certains et soffisanz chascuns de nos de tant commil est tenuz et en enloions nos biens au dit Jehan, seignor de Neelles, touz en quelque leu qu’il soient, et nos desux dit dot principal ausimant ; et volons nos cinc desus nommé estre controint a garder ces chouses desux dites, toutes et une chascune por soi aussi comme de chouse adjugié par la cort mon seignor leu duc de Bergoigne, an la cui jurisdition quant a ceu nos submetons nos et nos hoirs. En tesmoing de toutes ces chouses, nos havons soplié et requis estre mis en ces letres le seaul de la dite cort. C’est fait en la presance d’Estiene, notaire de Semur, Andrié de Corpoier, chevalier, de Androin dit Sarragot, clerc, et de Huguenin dit li Jobelez, escuier, tesmoig a ce especialmant apeléz, en l’an et ou mois desux diz.

Apparat critique

b a la requeste, sic.

Comment citer cette notice

Xavier   Hélary . " Le cartulaire de la seigneurie de Nesle ( 1269 , Chantilly , 14 F 22 )", dans Le cartulaire de la seigneurie de Nesle , Orléans : Institut de Recherche et d'Histoire des Textes , 2006 . [en ligne]. http://www.cn-telma.fr/nesle/acte 70 /.

Mentions légales | Colophon | Contacts | Haut de page