IRHT

> Actes

<Acte 69>

Regeste

Jacques de Coulmier, fils de feu dom Lambert, reconnaît devoir à Jean de Nesle, écuyer, son seigneur, 100 l. t. pour 80 setiers de blé, moitié froment et moitié avoine, qu’il lui a achetés ; il promet de les rendre dans la quinzaine où il en sera requis et il engage pour plus de sûreté ses biens de Coulmier, maisons, prés, champs, et tous ses autres biens meubles et non meubles, que ledit Jean pourra saisir si ledit Jacques venait à être défaillant. Reconnaissant par avance la compétence de la cour ducale en cas de litige, ledit Jacques a fait sceller l’acte du sceau de cette cour. L’acte fut passé en présence d’Etienne, notaire de Semur, de maître Gui de Vitteaux, chirurgien, de Simon de Maille, clerc, et d’Antoine de Rougemont, sergent du prévôt de Semur.

Acte

En non de nostre seigneur Jhesucrist, amen. En l’an de l’incarnation d’icelui mil dous cenz sexante et sex, ou mois de septembre, je, Jaques de Colomex qui fu fiz dam Lambert, faz savoir a touz ces qui verront et orront ces presantes letres que je doi a Jehan de Neelles, escuier, mon seignor, cent livres de tornois por la vandue de quatre vinz setiers de blef motié fromant et moitié avoine que je ha heu et receu dou dit Jehan de Neelles, an blef lealment mesuré a la mesure de Chastoillon, les quex cent livres de tornois je promet randre et prover par mon [fol. 95v] sairemant doné corporelmant sux sainz Evangiles et par stipulation faite sollempnelmant par moi et par mes hoirs, que je oblige por ceu especialment, a la requeste dou dit Jehan de Neelles ou deu porteour de ces letres, ou au moins dedanz la quinzene que je an seroie sux ceu requis. Et a plus grant seurté ravoir les diz deniers, je m’oblige en la main deu dit Jehan de Neeles touz mes heritaiges de Colomex et de finaige de Colomex ; ceu est a savoir maisons, préz, champs, et a touz mes autres biens mobles et non mobles, ou qu’il soient et desoz quelque soignerie il seroient et porroient estre trové ; s’ensi estoit que je fusse defaillanz de paier les deniers desux diz es quex biens touz mobles et heritaiges, je voil et outroi par mon sairement et obligement desux diz que li diz Jehanz ou li porterres de ces letres sanz mostrer a seignor et sanz meffaire recorre puisse recorre et doice recorre preigne, hait et mete en la main et possidoit jusque tant qu’il soit anteremant paiéz de la somme des deniers desux diz ou vande mes biens ; et tel vandue commil feroit ou hauroit faite je hai ou haurai por ferme et por agreable et garantirai a l’acheteour contre toutes genz, et danron letres que li acheterres panroit agre de la vandue garantir qui faire li seront ou que l’en en feroit ; et promet par mon dit sairemant que je de mes biens qui serient pris ou vendu que je ne demanderai recreance ne consantirai a demander et que touz les dommaiges qu’il [fol. 96] encorroit par chief de ceu que je l’an desdommageroie ; et voil qu’il fust mit ceu cruz par son sairemant sanz amener autre prueve ; et que je n’irai ne ferai aler contre ces presantes letres par moi ne par autre, en fait ne en consentemant, mais renuncois par mon dit sairemant au ceu a toute exception de boisdie et que je n’aie heu leu dit blé, au privilege de marchié, a tout privilege de croiz, au benefice de restitution, a toute borjoisie ou seignerie d’un chascun seignor, a toute aide de droit de canon et de lois, et a toutes autres exceptions, raisons et allegations de droit et de fait, escrist et non escrist, et a toutes autres chouses que en ceu me porrient valoir et aidier et au dit Jehan de Neelles ou a ses hoirs nuire, et au droit qui dist que generaus renunciations ne vaut. Et voil et outroi quant es chouses desux dites tenir et faire aussi comme de chouse adjugié estre controviz par la cort leu duc de Bergoingne, a la jurisdition dou quel quant a ceu, je submet moi et mes hoirs et mes biens. En tesmoing de toutes ces chouses, je hai suplié et requis et optenu estre mis en ces letres leu seaul de la dite cort. Cest fait en la presance d’Estiene, notaire de Semur, de maitre Gui de Vieteaul, celorgien, de Symont de Maille, clerc, et de Antoine de Roigemont, sergent au prevost de Semur a ce temps, tesmoinz a ce apelez especialmant en l’an et ou mois desux diz.[fol. 96v]

Comment citer cette notice

Xavier   Hélary . " Le cartulaire de la seigneurie de Nesle ( 1269 , Chantilly , 14 F 22 )", dans Le cartulaire de la seigneurie de Nesle , Orléans : Institut de Recherche et d'Histoire des Textes , 2006 . [en ligne]. http://www.cn-telma.fr/nesle/acte 69 /.

Mentions légales | Colophon | Contacts | Haut de page