IRHT

> Actes

<Acte 67>

Regeste

Jean, sire d’Ancy-le-Franc, et Etienne d’Ancy, sire de Cusey, chevalier, font savoir qu’ils se sont constitués plèges auprès de Jean, seigneur de Nesle, écuyer, en faveur de Robert Buillet de Furni, chevalier, chacun pour 100 l. t. ; ils se sont engagés à garantir la vente faite par dame Marguerite, femme dudit Robert Buillet et fille de Guillaume de Saint-Florentin, chevalier, à Jésus, juif de Montbart, ainsi que tous les biens que cette même Marguerite tenait en la ville et au finage de Corbeton – cette vente et l’ensemble des biens de Marguerite ayant fait l’objet d’un retrait lignager de la part de Jean de Nesle. Si Robert Buillet donnait assurance à Jean de Nesle qu’il rembourserait la moitié des issues de la vente pour les cinq dernières années (sauf pour le 7e que ledit Robert avait sur les terres de la dame du Saint-Sépulcre), les deux plèges seraient libérés de leur engagement ; ils promettent en attendant de re! mettre à Jean, à Montbard, 100 l. en meubles. Si Robert Buillet ne prenait pas cet engagement avant la prochaine Saint-Remi, les deux hommes s’engagent à remettre à cette date ces 100 l. en meubles.

Acte

Nos, Jehanz, sires d’Ancy Leu Franc, et nos, Estienes d’Ancy, sires de Cusey, chevalier, façons a savoir a touz ces qui verront et horront ces presantes letres que nos nos sumes obligié ploige et principal dectour en la main Jehan, seignor de Neelles, escuier, et de ses hoirs, por mon seignor Robert Buillet de Furni, chevalier, chascuns de nos de la [fol. 94] moitié de deus cens livres de tornois, ce est a savoir chascuns de cent livres de tornois, de garantir et de condure em paiz contre touz chalengenz au dit Jehan ou a ses hoirs toute la vandue la quele ma dame Marguerite, fame de dit Buillet, fille mon seignor Guillaume de Saint Florenti chevalier, avoit faite a Jasuet, juif de Monbar, et touz les heritaiges et toutes les chouses que ma dame Marguerite devant dite avoit en la ville, ou finaige et es apartenances de Corbeton qui est en la paroiche de Monbar ; la quele vandue, les quex heritaiges et les queles choses li devant dit Jehanz ha rescosses, retraites et ostées de la main de dit Jasuet, juif de Monbar, par la devanterie et par la pruchenece de lignaige ; et est a savoir que se li diz Roberz, chevaliers, façoit segur par bones ploiges leu dit Jehan ou ses hoirs dedanz la Saint Remi pruchenemant a venir de randre la moitié des issues des dites chouses vendues des cinc années dou temps trespassé, les queles années seront acomplies a ceste feste Saint Remi prucheinemant a venir, sau lou septeime que li diz Roberz de Furni avoit sux la partie a la dame de Saint Sepulcre, si com li diz Roberz, chevaliers, disoit, li devant diz Jehanz ne nous porroit gaigier de la dite ploigerie jusque a l’autre feste saint Remi aprés ansuigant, ne nos ne li seriens tenu de baillier gaiges jusque au dit terme ne lui [fol. 94v] ne a ses hoirs ; et dés leu dit terme en avant nos prometons en bone foi et sux l’obligemant de touz nos biens baillier et delivrer gaiges en mobles a Monbar chascuns de nos de cent livres de tornois au dit Jehan ou son conmandemant, a la requeste de dit Jehan ou de son commandemant. Et si li diz Robers chevaliers n’avoit fait segur de la moitié des issues randre au dit Jehan ou a son comandement, si cum il est desux dict, dedanz ceste saint Remi pruchenemant a venir, nos bailleriens gaiges de la dite somme de deniers a ceste saint Remi prucheinemant a venir a Montbar, ansinc commil est dist desux, au dit Jehan ou a ses hoirs ou a lor commandemant dedanz la quinzene que nos en seriens requis en nostres hostex ou de fors ; en tel maniere que li diz Jehanz ou si hoir seront creu per lor sairemanz de la valor des issues de la terre, jusque trente livres de tornois por chascun an. Ou tesmoing de la quel chouse, nos havons mis nos seaus en ces presentes letres. Ceu fu fait en l’an de grace mil dous cenz sexante et quatorze, ou mois de may.

Comment citer cette notice

Xavier   Hélary . " Le cartulaire de la seigneurie de Nesle ( 1269 , Chantilly , 14 F 22 )", dans Le cartulaire de la seigneurie de Nesle , Orléans : Institut de Recherche et d'Histoire des Textes , 2006 . [en ligne]. http://www.cn-telma.fr/nesle/acte 67 /.

Mentions légales | Colophon | Contacts | Haut de page