IRHT

> Actes

<Acte 63>

Regeste

Lambelet le Tisserand fait savoir qu’il a reçu à cens de Jean de Nesle, écuyer, une maison appartenant à ce dernier, sise à Coulmier-le-Sec, à côté de la maison d’un certain Le Gras ; auparavant, cette maison était accensée à un certain Blanchet ; le cens monte à un setier d’avoine et une géline, à payer chaque année au seigneur de Nesle, le lendemain de Noël ; le preneur s’engage par ailleurs à garder la maison en bon état. Reconnaissant par avance le jugement de la cour du duc de Bourgogne en cas de litige, il a demandé à ce que l’acte soit scellé du sceau de ladite cour. Les témoins étaient : Etienne, notaire de Semur, Simon de Maille sur Saône, clerc, Raou Blainchet, de Coulmier, Constanz de Balot.

Acte

En non de nostre seignor, amen. En l’an de l’incarnation d’icelui, mil. CC. sexante et saze, ou mois de septembre, je Lambelez li Tisseranz faz savoir a touz cels qui verront et orront ces presentes letres que je ha recevu a censse de Jehan de Neelles, escuier, une soie maison assise a Colomex leu Soc delez la maison cost a lou Gras ; et fu cele dite maisons que hai recevue a cense Blainchet et l’a retenue dou dit Jehan, seignor de Neelles, pour un setier d’avoine a la mesure de Chastoillon sux Soigne et por une geline chascun an de rante ; paiant de moi Lambelot ou de mes hoirs l’avoine, quit la geline, au dit Jehant ou a ses hoirs, landemain de la Nativité nostre seignor [fol. 92] Jhesucrist, la quel solution je promet faire si comil est desux dit par mon sairement doné corporelmant sux sainz Evangiles et tenir la dite maison empréz et en bon estat ; et a plus grant seurté de ceu je obligois en la main de dit Jehan toz mes heretaiges de Colomex et dou finaige, et mes autres biens, et mes hoirs, et les biens de mes hoirs ; en tel maniere que, se je ou mi hoir, estiens defaillant de ceu faire, la solution de la cense desus dite et de tenir la maison empréz, je voil que il recorre et pusse recorre a mes heretaiges et a mes biens et a ceaus de mes hoirs sanz clain de seignor et tenir et tourner en son demone, et a la dite maison ausi et tenir et curtiver jusque tant que la cense que ne seroit paié d’une chascune année fust paié, et la maisons amandée se decheoite estoit ; et voil et outroi estre controinz a ceu faire et tenir ausi comme de chouse adjugié par la cort leu duc de Bergoingne, a la jurisdition deu quel quant a ceu je submet moi et mes hoirs et les diz miens heretaiges de Colomex. En tesmoin de toutes ces choses, je hai fait metre en ces presantes letres le seaul de la dite cort. Cest fait en la presence d’Estiene, notaire de Semur, de Symon de Maille sur Seone, clerc, de Raou Blainchet, de Colomex, de Constanz de Baalo, tesmoinz a ceu apeléz. En l’an et ou mois desux diz.[fol. 92v]

Comment citer cette notice

Xavier   Hélary . " Le cartulaire de la seigneurie de Nesle ( 1269 , Chantilly , 14 F 22 )", dans Le cartulaire de la seigneurie de Nesle , Orléans : Institut de Recherche et d'Histoire des Textes , 2006 . [en ligne]. http://www.cn-telma.fr/nesle/acte 63 /.

Mentions légales | Colophon | Contacts | Haut de page