IRHT

> Actes

<Acte 61>

Regeste

Frère Jacques, abbé de Notre-Dame de Châtillon-sur-Seine, et frère Thibaut, prieur de ce même établissement, notifient qu’en leur présence, damoiselle Isabelle, fille de feu Guillaume Brideine, a reconnu qu’en raison de ses besoins propres et ceux de son mari, elle a mis en gage, avec l’accord de ce dernier, Ponçot Rostien, auprès de Jean de Nesle, écuyer, un demi-muid de blé à la mesure de Châtillon,mi-froment mi-avoine, qu’elle avait en héritage sur le four de Coulmier-le-Sec, pour 25 l. de viennois, qu’elle et son mari ont reconnu avoir reçues dudit Jean ; le demi-muid meut du fief de Jean. Chaque année que durera la mise en gage, ce dernier versera 40 s. A la requête d’Isabelle et de son mari, l’abbé et le prieur ont scellé l’acte.

Acte

Nos, frere Jaques, humbles abbés de Nostre Dame de Chastoillon sux Soigne [fol. 90], et nos frere Thiebauz, priours de cest meisme leu, façons a savoir a touz ces qui verront et horront ces presentes letres, que por ceu estaublie especialmant en nostre presence, Ysaubiaus, damoisele qui fu fille Guillaume Brideine, ha recogneu per devant nos de sa propre velonté, non mie controinte, que elle, par son besoing et par leu besoing son mari, et par lour preu, ha mis en gaiges par lou los et par l’outroi de Ponçot Rostien, son mari, en la main Jehan de Neelles, escuier, demex mui de blé a la mesure de Chastoillun, mitié fromant et mitié avoine, qu’elle ha en herietaige de son chief ou four de Colomiers lou Soc, por vint et cinc livres de la monoie de viannois, les quex elle et li diz Pointoz, ses maris, hont recogneu lour avoir reçeu et heu deu dit Jehan en deniers contanz, et s’en sont tenu por paié enterinemant, et est li demey muis de blé deu fié au dit Jehan ; et est a savoir que la dite gaigiere se aquite chascun an de quarante soz de la dite monoie. Et deu devant dit demey mus de blé sest devestue la devant dite Ysabiaus por li et por ses hoirs, et par leu loux et par l’outroy de devant dit Poinçot Rostien son mari et en hai revesti leu dit Jehan de Neelles par non de gaigiere corporelmant por lui et [fol. 90v] por ses hoirs ; et ha promis la dite Ysabiaus avec leudit Poinçot, son mari, por li et por ses hoirs et par lour sairemanz donez doneza corporalment en noz mains a garantir au dit Jehan et a ses hoirs la dite gaigiere jusque a tant qu’elle se soit reause, ensi commil est desux dit, por quarante soz d’aquitance chascun an ; ne qu’il n’iront en contre ne ne consantiront a aler doysor en avant en fait ne en dit. Et quant a ceu tenir il hont obligié en la main deu dit Jehan de Neelles et de ses hoirs aus et lor biens mobles et non mobles en quelcunque leu qu’il puissent estre trové, et ha renuncié la dite Ysabiaus en ce fait a toute exception d’avoerie et de mariaige et a touz previleges qui sont outroié en favor de famme ; et elle et ses mariz en hont renuncié et renuncent a tout droit de crestianté et de pohesté et a toutes autres aydes qui lor porroient aydier en ce fait et nuire au dit Jehan ou a ses hoirs. Et por ce que ceu soit ferme chouse et estauble, nos havons ces presentes letres seallées de nos seaus a la requeste de la dite Ysabiau et deu dit Poinçot son mari. Ceu fu fait en l’an de grace mil et dous cenz et sexante et sex, ou mois de may.[fol. 91]

Apparat critique

a donez, sic.

Comment citer cette notice

Xavier   Hélary . " Le cartulaire de la seigneurie de Nesle ( 1269 , Chantilly , 14 F 22 )", dans Le cartulaire de la seigneurie de Nesle , Orléans : Institut de Recherche et d'Histoire des Textes , 2006 . [en ligne]. http://www.cn-telma.fr/nesle/acte 61 /.

Mentions légales | Colophon | Contacts | Haut de page