IRHT

> Actes

<Acte 6>

Regeste

Hugues, duc de Bourgogne, notifie qu’en sa présence Etienne Boujon, chevalier, son fidèle, a reconnu avoir marié sa fille Gertrude à Jean de Nesle, fils de feu André de Nesle, de telle sorte que Gertrude recevra sa part de tous les biens de son père ; Etienne a aussi reconnu avoir donné à sa fille 80 livrées de terre dijonnaises, dont il doit lui asseoir 40 immédiatement, et les 40 autres à la première échoite qui lui parviendra ; tout cela, Etienne l’a donné à sa fille selon les coutumes de Bourgogne.

Acte

Nos, Hugues, dux de Borgoigne, façons savoir a touz cels qui verront cels presentes letres que [fol. 18v] an nostre presence estaublie mes sires Esteynes Boujons, chevaliers, nostre feaux, at reconeu devant nos que il at mariée Gertrui sa fille a Jehant de Neelles qui fu filz mon signor Andrier de Neelles, heritaublement por prendre son droit an toux les biens celui Esteyne que il at et que il attent a avoir, anvers touz les hoirs celui Esteine qui sunt et qui avenir sunt ; et at reconeu cil Esteines per devant nos que il at donei a celi Gertrui quatre vinz livrées de terre a digenois, des queles il li doit asseoir maintenant quarante livrées, et les autres quarante livrées a la premiere escheoite que venrat an descendant. Toutes ces choses cil Esteines at outroiiés et donées a sa fille heritaublement as [fol. 19] bons us et as bones costumes de Borgoigne si cum il at reconeu devant nos. Apres cil diz Jehan at reconeu per devant nos que il at douhée celi Gertrui sa femme as bons us et as bones costumes de Borgoigne. El tesmoignaige de la quel chose, per la requeste de l’une partie et de l’autre, nos avons fait metre nostre seel an cels presentes letres. Ce fu fait an l’an de grace m. cc. et cinquante quatre, el mois de novembre.

Comment citer cette notice

Xavier   Hélary . " Le cartulaire de la seigneurie de Nesle ( 1269 , Chantilly , 14 F 22 )", dans Le cartulaire de la seigneurie de Nesle , Orléans : Institut de Recherche et d'Histoire des Textes , 2006 . [en ligne]. http://www.cn-telma.fr/nesle/acte 6 /.

Mentions légales | Colophon | Contacts | Haut de page