IRHT

> Actes

<Acte 53>

Regeste

Hugues, sire de Colches, chevalier, faut savoir qu’en sa présence Emengart de Drées, sœur de Guillaume de Drées, clerc, chanoine d’Autun, a reconnu avoir vendu à Jean, seigneur de Nesle, écuyer, ses droits sur la succession dudit Guillaume, en tous lieux, en échange de 20 livrées de terre, que ledit Jean lui a assises à Nesle et qu’elle tiendra de lui en fief ; Hugues, sire de Colches, confirme cet échange.

Acte

[fol. 80v ]

Gie, Hugues, sires de Colches, chevaliers, faz savoir a toz cels qui sunt et qui seront que por ceu en ma presance estaublie Emoingarz de Drees, cai en arriés suores Guillaume de Drées, clerc et chanone d’Ostui, ha queneu par devant moi quele ha baillié et delivré et quité a touz jours perpetualment a Jehan, seignor de Neeles, escuier, por lui et por ses hoirs, tel droit et tel raison et tel action comme el ha et puet havoir et doit, en quelcune maniere, en moubles, en heritaiges, en l’escheoite dou dit Guillaume, a Blance, a Barnai, a Sevigné, au Vaul de Voudenai et en toz autres leus, çou est a savoir en eschaange et en recompensacion de vint livrées de terre, les quex li diz Jehans li ha baillies et delivrées et assises a Neeles, en justise, en seignerie, a toz jourz, a lui et a ses hoirs , si comme ele ha queneu par devant moi ; et qu’ele et sui hoir la tanront en fié de dist Jehan et de ses hoirs ; et gie cest eschaange ensi commil est desux diz et devisez, vuel, louois et outroi aut dist Jehan ceu qui ammuet [fol. 81] de mon fié por lui et por ses hoirs. En tesmoing de ces chouses, j’ai mis mon seal en ces presantes letres a la priere et a la requeste de la dite Emoingart. Ceu est fait en l’an de grace mil. cc. et sexante et quinze, ou mois de janvier.

Comment citer cette notice

Xavier   Hélary . " Le cartulaire de la seigneurie de Nesle ( 1269 , Chantilly , 14 F 22 )", dans Le cartulaire de la seigneurie de Nesle , Orléans : Institut de Recherche et d'Histoire des Textes , 2006 . [en ligne]. http://www.cn-telma.fr/nesle/acte 53 /.

Mentions légales | Colophon | Contacts | Haut de page