IRHT

> Actes

<Acte 52>

Regeste

Alix d’Etais, damoiselle, fille de feu Mathieu de Nesle, chevalier, veuve de Fauconnet de Raon, damoiseau, reconnaît avoir échangé, pour régler ses dettes, avec Jean de Nesle, tout ce qu’elle avait dans la villa et au finage de Charentois, et qui dépend du fief dudit Jean, contre la part que ce dernier avait dans les tierces de la ville et du territoire de Balot. Jean de Nesle, damoiseau, approuve l’acte et soumet par avance tout litige à la cour du duc de Bourgogne.

Acte

In nomine Domini, amen. Anno incarnacionis ejusdem millesimo ducentesimo septuagesimo secundo, mense martio. Ego Alidis de Estez, domicella, filia defuncti Mathei de Neeles, militis, relicta Faulconeti de Raon, domicelli, notum facio omnibus presentes litteras inspecturis quod ego, pro utilitate et necessitate mea, non vi nec metu ducta, non in aliquo circonvenuta, sed pro exhoneratione meorum debitorum facienda, excambiavi Johanni de Neeles omne jus et omnem rationem quam et quod habere poteram et debebam in villa de Charantois versus Sinemurum et in finagio dicte ville, videlicet in hominibus, feminabus, justicia, tailliis, censibus, corveis, domibus, ortis, campis, pratis, vineis, tertiis, decimis et aliis omnibus [fol. 79v] quoquo modo censeantur, que omnia sunt de feodo dicti Johannis, ad omnem partem suam quam habet vel habere potest et debet, sive sui heredes, in terciis ville et territorii de Baalo. Devestivi me siquidem de omnibus supernis nominatis pro meis heredibus, et dictum Johannem pro se et suis heredibus corporaliter investivi, nichil in omnibus premissis juris, pro me vel meis heredibus, in posterum retinendo, promittens sub obligatione bonorum meorum omnium, mobilium et immobilium, presentium et futurorum, et per juramentum meum pro me et meis heredibus, quos ad hoc obligavi, prestitum super sancta Dei euvangelia corporale omnia predicta, prout superius sunt expressa, dicto Johanni et suis heredibus garantire et deffendere semper et ubique contra omnes personas, propriis sumptibus meis in omni curia et extra curiam quociens super hoc fuero requisita, ac in nullo decetere contraire per me vel per alios, tacite vel explicite, seu consensu vel modo alio qualicumque ipsosque inde servare indempnes, si qui calumpniatores, quod absit, apparerent [ ]a facere et prestare quicquid in causa evictionis debet fieri et prestari. Ego vero dictus Johannes de Neeles, domicellus, omnia premissa confiteor esse vera, et de voluntate mea confiteor esse facta, [fol. 80] promittens me numquam contrevenire neque contravenienti consentire, renunciamus in hoc facto quilibet in solidum et pro toto, ex certa scientia, exceptioni doli, circonventionis vel lesionis, in factum exceptioni deceptionis ultra dimidiam justi pretis fori pervilio beneficio restitutionis in integrum omnis auxilio juris canonici et civilis, omnibus viribus et graciis in favorem mulierum introductis omnibus consuetudinibus, statutis et usibus patrie omnibus graciis indultis et indulgendis a Sede apostolica crucesignatis et crucesignandis omnibus occasionibus, deffensionibus, allegationibus, exceptionibus et aliis quibuscumque que contra presens instrumentum possent obici seu dici, et precipue exceptioni qua cavetur generalem renunciationem non valere ; volumus autem et concedimus quod ad omnia premissa tenendi compellantur quasi ex re adjudicata per curiam domini ducis Burgundie, cujus jurisdictioni quo ad hoc supponimus nos et nostros heredes. In quorum omnium testimonium, litteris istis sigillum dicte curie supplicavimus et obtinuimus apponi una cum sigillo viri venerabilis domini Petri de Luxeio, decani christianitatis de Castellione super Sequanam. Actum anno et mense predictis.

Apparat critique

a un mot, illisible.

Comment citer cette notice

Xavier   Hélary . " Le cartulaire de la seigneurie de Nesle ( 1269 , Chantilly , 14 F 22 )", dans Le cartulaire de la seigneurie de Nesle , Orléans : Institut de Recherche et d'Histoire des Textes , 2006 . [en ligne]. http://www.cn-telma.fr/nesle/acte 52 /.

Mentions légales | Colophon | Contacts | Haut de page