IRHT

> Actes

<Acte 51>

Regeste

Alix, veuve de Fauconnet de Raon, damoiseau, fille de feu Mathieu de Nesle, chevalier, reconnaît avoir vendu à Huon d’Otricourt, chevalier, la part qu’elle avait des tierces de Balot (et qu’elle tenait de l’échange qu’elle avait fait avec Jean de Nesle de tout ce qu’elle avait à Charentois), pour 120 l. et 100 s. de Viennois.

Acte

In nomine Domini, amen. Anno Incarnationis ejusdem millesimo cco septuagesimo secundo, mense martio, ego Alidis, relicta Fauconeti de Raon, domicelli, filia defuncti domini Mathei de Neeles, militis, notum fatioa omnibus presentes litteras inspecturis quod ego, pro utilitate et necessitate mea, vendidi, tradidi et concessi in hereditatem perpetuam domino Huoni de Otricort, militi, universam partem meam tertiarum de Baalo, quas habeo ratione permutationis quam feci cum Johanne de Neeles de omnibus que habebam in villa et territorio de Charantois versus Sinemurum, pro sex viginti libris et centum solidis viennensium, de quibus a dicto domino Huone plenum integrum et perfectum recepi et habui pagamentum in pecunia numerata ; propter quod de predicta parte dictarum tertiarum ego me penitus devestivi et dictum Huonem pro se et suis heredibus corporaliter investivi, promictens siquidem sub obligatione bonorum meorum, mobilium et immobilium, presentium et futurorum, et per juramentum meum, pro me et meis heredibus, quos ad hoc obligavi, prestitum super sancta Dei evangelia corporale, dictam partem [fol. 78v] meam dictarum tertiarum dicto Huoni et suis heredibus garantire semper et ubique atque deffendere contra omnes personas, propriis sumptibus meis, quociens et quamcirco super hoc fuero requisita in omni curia necessario et extra ac in nullo decetero contraire per me vel per alium, verbo vel facto, seu consensu vel modo altero qualicumque, eosque inde servare indempnes si calumpniatores, quod absint, apparerent, et facere et prestare quicquid in causa evictionis debet fieri et prestari ; renuncians autem in hoc facto, ex certa scientia, exceptioni non habite et non numerate pecunie, deceptioni ultra dimidiam justi pretii, doli, mali, circonventionis vel lesionis, in factum fori provisio, beneficio restitutionis in integrum omni auxilio juris canonici et civilis, omnibus juribus in favorem mulierum introductis, et omnibus aliis quibuscumque omnibus consuetudinibus, statutis et usibus patere et juri quo cavetur renunciationem generalem non valere. Ego vero Johannes de Naeles de cujus feodo dicte decime suntc hanc venditionem laudavi et penitus approbavi, volentes nos compellere ad premissa tenenda tanquam mere adjudicata per curiam domini ducis Burgundie cujus jurisdictioni quo ad hoc [fol. 79] supponimus nos et nostros heredes. In quorum testimonium litteris istis sigillum dicti curie una cum sigillo domini Petri de Luxeio, decani christianitatis de Castellione super Sequanam supplicavimus et obtinuimus apponi. Actum anno et mense predictis, etc.

Apparat critique

a Sic, pour facio.

c sunt, répété par erreur.

Comment citer cette notice

Xavier   Hélary . " Le cartulaire de la seigneurie de Nesle ( 1269 , Chantilly , 14 F 22 )", dans Le cartulaire de la seigneurie de Nesle , Orléans : Institut de Recherche et d'Histoire des Textes , 2006 . [en ligne]. http://www.cn-telma.fr/nesle/acte 51 /.

Mentions légales | Colophon | Contacts | Haut de page