IRHT

> Actes

<Acte 44>

Regeste

Jacques, abbé de Notre-Dame de Châtillon-sur-Seine, et Thibaut, prieur, notifient qu’en leur présence Richard de Coulmier, fils de Rose, a reconnu avoir vendu à Jean de Nesle, écuyer, la moitié du champ des Crais, au finage de Coulmier, qui appartenait à Milon dit Rabohan, pour 65 s. de viennois. A la requête dudit Richard, l’abbé et le prieur ont apposé leur sceau.

Acte

Nos, Jaques, humbles abbés de Nostre Dame de Chesteillon sus Seynne, et nos Thiebauz, priors de cel maismes leu, façons savoir a toz ces qui verront et orront ces presentes letres que an nostre presence por cette chose specialment estaubliz Richars de Colommer lou Sec, filz Rose, at reconeu par devant nos de sa bone voluntei, senz contreindre, que il at vendu et quittei a toz jors a Jehant de Neelles, escuier, la moitié del champ des Crais assis el finaige del dit Colonmer, li quex fu feu Milon dit Rabohan, por sexante et cinc solz de la monoie de viennois ; des quex deniers li diz Richars at ahu et receu del dit Jehant son plein paiement an deniers companz, si com il at conehu par devant nos et s’en est tenu por bien paié, et at promis li diz Richars, par sa foi corporelment donée an noz mains, a tenir et a garantir la dite vendue au dit Jehant, bien et loialment contre totes genz, et que contre la dite vendue il ne venrat ne ferat venir ne jemés riens n’i reclamerat desoranavant ; et at renoncié per devant nos [fol. 69v] li diz Richars a toz baraz, a tote croiserie prise et a prendre, a touz privileges donéz et a doner, a tote ayide de droiz et de loiz et de costumes venues et a venir, a tote ayide de cort de crestientei et de poestei. El tesmoing de la quel chose, nos avons mis nos seax an ces presentes letres, a la requeste de Richart dessus nommei ; et ce fu fait an l’an de grace m. cc. lxviiii, el mois de marz.

Comment citer cette notice

Xavier   Hélary . " Le cartulaire de la seigneurie de Nesle ( 1269 , Chantilly , 14 F 22 )", dans Le cartulaire de la seigneurie de Nesle , Orléans : Institut de Recherche et d'Histoire des Textes , 2006 . [en ligne]. http://www.cn-telma.fr/nesle/acte 44 /.

Mentions légales | Colophon | Contacts | Haut de page