IRHT

> Actes

<Acte 40>

Regeste

Jacques, abbé de Notre-Dame de Châtillon-sur-Seine, et Thibaud, prieur, notifient qu’en leur présence Naudin de Coulmier, fils de feu Lambert, a reconnu avoir vendu, avec l’accord de Meline, sa femme, fille de feu Perret le Buignon, à Jean de Nesle, écuyer, les biens dont la liste suit : une maison à Coulmier; la grange derrière cette maison, la moitié du champ des Porrerez, un journal de terre ; la moitié d’un autre champ ; une pièce de terre ; la moitié d’un autre champ ; le tout pour 67 l. de la monnaie de viennois. A la requête de Naudin et de Meline, l’abbé et le prieur de Notre-Dame de Châtillon ont apposé leurs sceaux.

Acte

Nos, Jaques, humiles abbés de Nostre Dame de Chesteillon sus Seinne, et nos Thiebauz, priors de cel maismes leu, faison savoir a toz ces qui verront et orront ces presentes letres que an nostre presence por ceste chose specialment estaubliz, Naudins de Colonmer lou Sec, filz feu Lambert, at reconeu par devant nos, de sa bone voluntei, senz contreindre, que il, par lou lox et par l’outroi de [fol. 66] Meline sa femme, fille feu Perret lou Buignon, at vendu et quittei an heritaige perpetuel a Jehant de Neeles, escuier, par la vendue faite antre vis, une maison assise a Colonmer, la quele est assise souz l’orme, la quele fu Tiecelin ; la grange autresi assise de darriers la dite maison ; la moitié del champ des Porrerez qui contorne sus la voie de Chesteillon ; un jornal de terre qui siet darriers la maison Gilet dit Chauvin, li quex fut feu Humbelet lo maistre ; demei lou champ des crayes qui contorne sus lou cortil Lambert lou Roi ; une piece de terre assise an la voie de Culemin, la quele est assise selonc lou cementere ; et demei lou champ de la corvée qui est assis antre Colas, d’une part, et Germain lou Saounois, d’autre, por sexante et sept livres de la monoie de viennois, des quels deniers li diz Naudins et Meline sa femme ont ahu et receu del dit Jehant lour plein paiement an deniers companz bien et leialment si comme il ont coneu per devant nos [fol. 66v] et s’en sunt tenu por bien paié ; et ont promis per lour foiz corporelment donées an noz mains li diz Naudins et Meline sa femme a tenir et a garantir sus touz lour biens, moubles et non moubles, acquis et a aquerir, a tenir la dite vendue bien et loialment contre toutes genz et que contre la dite vendue que il ne venront ne feront venir, an plait ne fors plait, an celée ne an apert, ne jemés riens n’i reclameront desoranavant. Et ont renoncié per devant nos li diz Naudins et Meline sa femme a tot barat, a tote croiserie prise et a prendre, a toz previleges donéz et a doner, a toute aiide de droit et de loiz et de costumes venues et a venir, a tote ayide de cort de crestientéz et de poestéz. El tesmoing de la quel chose, nos avons mis noz seels an ceste presente letre a a requeste de Naudin et de Meline sa femme ci dessus nomméz. Et ce fut fait an l’an de grace m. cc. et sexante et nuef, el mois de marz.

Comment citer cette notice

Xavier   Hélary . " Le cartulaire de la seigneurie de Nesle ( 1269 , Chantilly , 14 F 22 )", dans Le cartulaire de la seigneurie de Nesle , Orléans : Institut de Recherche et d'Histoire des Textes , 2006 . [en ligne]. http://www.cn-telma.fr/nesle/acte 40 /.

Mentions légales | Colophon | Contacts | Haut de page