IRHT

> Actes

<Acte 36>

Regeste

Guillaume de Chassey, chevalier, bailli d’Auxois, notifie qu’en sa présence Aubertin Choullez, écuyer, a reconnu devoir asseoir dans le fief de Jean de Nesle, écuyer, à Chamesson, l’équivalent des trois parts du bois de Foiselet, au finage d’Eporve ; s’il ne pouvait le faire à Chamesson même, il devrait asseoir le reste au plus près ; Aubertin a autorisé par avance le bailli à le forcer s’il n’exécutait pas sa promesse.

Acte

Nos, Guillaumes de Cheacey, chevaliers, bailliz de Auxois por lou noble baron, Hugon, duc de Borgoigne, façons savoir a touz cels qui verront ces presentes letres que an nostre presence estaubliz Aubertins Choullez, escuiers, at reconeu que autant cum les trois parz del bois de Foiselet que siet el finaige de Esperve valent que il doit metre el fié Jehant de Neeles, escuiier, et asseoir a Chamesson et as apertenences ; et se ce de Chamesson ne valoit autant comme les dites trois parz [fol. 63v] del dit bois il doit asseoir lou remanant au plus prés de Chamesson ; et ces dites choses li diz Aubertins at promis per devant nos a faire an bone foi ; et se il ne les faisoit et assevissoit, il nos at donei pooir de lui contreindre as dites choses faire et assevir et de lui gaigier senz plait, senz fuite et senz esloigne, ausic cum de chose que ait estei jugié per nos an nostre cort. Et que ce soit plus ferme chose et plus estauble per la requeste del dit Aubertin nos avons bailliés au dit Jehant ces presentes letres seellées de nostre seaul. Ce fu fait an l’an nostre signour m. cc. sexante et sex, el mois de marz.

Comment citer cette notice

Xavier   Hélary . " Le cartulaire de la seigneurie de Nesle ( 1269 , Chantilly , 14 F 22 )", dans Le cartulaire de la seigneurie de Nesle , Orléans : Institut de Recherche et d'Histoire des Textes , 2006 . [en ligne]. http://www.cn-telma.fr/nesle/acte 36 /.

Mentions légales | Colophon | Contacts | Haut de page