IRHT

> Actes

<Acte 35>

Regeste

Frère Jacques, abbé de Notre-Dame de Châtillon-sur-Seine, notifie qu’il s’est rendu à Châtillon le jeudi après la Madeleine, où Renaud de Grancey, sire de Larrey, et Guillaume de Chassey, représentants du duc de Bourgogne, confirmèrent l’amende de 65 s. infligée par Jean de Nesle à Naudin de Coulmier, un de ses hommes, pour délit de bois ; quant à Raoul le Saônois, pour le même délit, il a selon Jean de Nesle accepté de composer pour 6 l. 10 s., ce que Raoul nie ; les représentants du duc ont donné raison à Jean de Nesle et lui ont demandé de pardonner à Germain le Saônois qui était intervenu devant la cour de Jean en accusant ce dernier de n’avoir pas jugé équitablement Raoul.

Acte

Nos, frere Jaques, humiles abbés de Sainte Marie de Chesteillon sus Seynne, faisons savoir a touz cels qui verront ces presentes letres que nos fumes present el leu au dit Chesteillon le juedi aprés la Magdeleyne, la ou li comandemenz mon signour lou duc de Borgoigne, c’est a savoir mes sires Renauz de Grancey, sires de Larrey, et mes sire Guillaumes de Cheacey [fol. 62] diserent et a droit que li amende del Soihehiz Naudin de Colonmiers, honme Jehant de Naelles, la quele amende li diz Jehanz at jugié a sexante et cinc solz por chief del sergent Lietiz lou Bascloys de Colonmiers, qui fu trovez coupant el dit Soihehiz et portant la busche fors et chargent la charrete au dit Lietiz, fu bien jugié et a droit selonc l’usaige de Borgoigne, et s’en puet li diz Jehanz johir et asploitier se lui plait ; et de Raoul lou Saolnoys qui fu pris coupant an la forest ana de Colonmiers et se rescoust au sergent jurei, si cum li diz Jehanz lou disoit ; et de quoi li diz Jehanz disoit que cil Rauoulz avoit pacefiié a lui et fiancié et plegié six livres et dix solz ; et cil Raoulz mist an ney que il ne li avoit ne pacefiié ne fiancié ne plegié se per force non que il l’avoit pris ; et Jehanz l’emprist a prover et lou prouvat sic cum mes sire Guillaumes de Cheacey lou dist per devant cui il l’avoit provei que cil devant [fol. 62v] dit commandement lou .. duc per la prueve que an fu faite disarent et adroit que cil Raoulz devoit paiier au dit Jehant les dites six livres et dix solz, et s’en pooit johir li diz Jehanz a sa voluntei ; et por chief de la parole que Germains li Saounois dist au dit Jehant qui parloit a un sien honme ; la quele parole fu tels que il dist que Jehanz ne faisoit a l’onme ne droit ne raison ne leautei ; et Jehanz li requist que li amendast ainceys que il partist de sa court ; et cil s’en partist senz plus faire ; et per lou ney que li diz Germains fist devant lou comandement lou duc que il ne avoit pas ansic dite la parole cum Jehanz disoit, ne ansic partiz de devant lou dit Jehant ; et Jehanz l’emprist a prover et lou provat la quele amende li diz Jehanz proiat et requist au devant dit comandement lou duc que li avigeissent sour ce que il avoient ohi, disarent li dit comanb [fol. 63]comandement lou duc que il an pooit bien lever six livres et dix solz et feroit bontei au dit Germain. Et nos devant dit Jaques, abbés de Sainte Marie de Chesteillon sus Seynne avons cels presentes letres seellées de nostre seaul. Ce fu fait an l’an nostre signour m.cc. et sexante et dous, el mois de ahost.

Apparat critique

a Ajouté à la suite puis barré : an.

b Ajouté à la suite puis barré : coman.

Comment citer cette notice

Xavier   Hélary . " Le cartulaire de la seigneurie de Nesle ( 1269 , Chantilly , 14 F 22 )", dans Le cartulaire de la seigneurie de Nesle , Orléans : Institut de Recherche et d'Histoire des Textes , 2006 . [en ligne]. http://www.cn-telma.fr/nesle/acte 35 /.

Mentions légales | Colophon | Contacts | Haut de page