IRHT

> Actes

<Acte 3>

Regeste

Hugues, duc de Bourgogne, notifie que Jean de Nesle, fils d'André de Nesle, et Catherine, sa sœur, fille dudit André, ont reconnu par devant lui avoir partagé entre eux l’héritage de leurs parents : Jean aura la ville de Nesle et les terres de Balot, de Coulmier, de Charentois, avec tous les droits et les dépendances, plus tous les fiefs de l’héritage de son père et de sa mère, ainsi que les échoites qui pourraient venir. Si Jean n’avait pas d’héritier, toutes ces choses reviendraient à Catherine. Quant à elle, elle reçoit les terres de Noyers, de Champiaugrimaul et de Vermenton, avec tous les droits et les appartenances ; si Catherine mourait sans descendants, tout reviendrait à Jean. A la demande des parties, le duc a mis son scel.

Acte

Ge, Hugues, dux de Bergoigne, faz a savoir a touz cels qui verront ces presentes letres que Jehanz de Naelles, filz mon signor Andrier de Naelles, et Katherine sa suers, fille au dit Andrier, estaubli an ma presence, ont reconeu per devant moi que il ont parti et devisei antre aux dous tout l’eritaige lour pere et lour mere an tel meniere que, per lou lox et per la voluntei de cele dite Katherine, fors de toutes avouheries, cil dix Jehanz an porte por son partaige toute la vile de Naelles, et toute la terre de Baalou, et toute la terre de Colunmers, et toute la terre de Charantois an [fol. 15v] honmes, an rentes, an toutes ascheoites et an toutes issues, an signorie et an toutes apertenences, et touz les fiéz de l’eritaige son pere et sa mere, et tout l’eritaige sa mere, an quelque leu que il soit, et toutes ascheoites que puient avenir ; en tel meniere que cele devant dite Katherine toutes cels choses devant dites per devant moi at quittei et outroié a cel devant dit Jehant por son partaige, a tenir a tojormés, lui et a ses hoirs perduraublement ; se per defaute de hoir non estoit del cors de cel devant dit Jehant, que toutes ces choses devant dites revenissent a cele dite Katherine. Apres, per lou lox de cel devant dit Jehant et per sa voluntei, cele devant dite Katherine, sa suers, an porte por son partaige toute la terre de Nohiers et de Chempiaugrimaul et toute la terre de Vermanton an honmes, an vignes, an bois, an [fol. 16] prez, an terres, an rantes, an exues, an signorie, an ascheoites et an toutes apertenences, an tel meniere que cil devant diz Jehanz toutes cels choses devant dites per devant moi at quittei et outroié a cele devant dite Katherine, por son partaige, a li et a ses hoirs perdurablement ; se per defaute de hoir non eire de cele devant dite Katherine que toutes ces choses devant dites revenissent a cel devant dit Jehant et an tel meniere cil devant diz Jehanz et Katherine sa suers, fors de toutes avouheries, de toutes ces choses devant dites se sunt tenui a parti per devant moi. Et por ce que ce soit ferme chose et estauble, a la requeste de cel devant dit Jehant et de cele devant dite Katherine sa suer, ge ai mis mon seel an cels presentes letres. Ce fu fait an l’an de grace mil dous cenz cinquante et six, el mois de septembre.

Comment citer cette notice

Xavier   Hélary . " Le cartulaire de la seigneurie de Nesle ( 1269 , Chantilly , 14 F 22 )", dans Le cartulaire de la seigneurie de Nesle , Orléans : Institut de Recherche et d'Histoire des Textes , 2006 . [en ligne]. http://www.cn-telma.fr/nesle/acte 3 /.

Mentions légales | Colophon | Contacts | Haut de page