IRHT

> Actes

<Acte 26>

Regeste

Guillaume de Chassey, chevalier, bailli d’Auxois, notifie qu’en sa présence Guillermin de Rugney, écuyer, a reconnu avoir vendu à Jean de Nesle, écuyer, ce qu’il avait des tierces de Nesle, soit le quart de ces tierces, pour dix l. t. Ancous d’Alerey s’est établi plège pour Guillermin à hauteur de 30 l. t. A la requête de Guillermin et d’Ancous, le bailli a scellé l’acte.

Acte

Nos, Guillaumes de Cheacey, chevaliers, bailliz de Aussois por noble honme Hugon, duc de Borgoigne, faisons savoir a touz cels qui verront cels presentes letres que, an nostre presence estaublis Guillermins de Ruygney, escuiers, at reconeu que il at vendu, quittei et delivrei a Jehant de Neelles, escuier, a tenir a touz jours, lui et ses hoirs, tout ce que il avoit as tierces de Neelles, c’est a savoir lou quart des dites tierces por dix livres de tornois ; des queles li diz Guillermins se est tenuz por paiez per devant nos an deniers nombrez. Et ceste dite vendue, ceste quittance et ceste delivrance lidis Guillermins at promis a tenir per son soirement fait corporelment per devant nos et a guarantir au dit [fol. 53v] Jehant et a ses hoirs contre toutes genz ; et se il defailloit del garantir Ancous de Alerey se est estaubliz per devant nos pleges et detres an la main au dit Jehant ou a ses hoirs de trente livres de tornois por lou defaut de la dite garantie ; et les porroit lever li diz Jehanz ou sui hoir del dit Ancous ou de ses hoirs por lou dit defaut ; et toutes ces dites choses li diz Guillermins et li diz Ancous ont promis a tenir li diz Guillermins per son seirement dessus dit et li diz Ancous an bone foi, senz aler ne faire a aler ancontre per aux ne per autrui ; et ont quittées toutes barres per quoi il porroient aler ou faire a aler ancontre ces dites choses ; et se il aloient ou faisoient a aler ancontre, il nos ont donei pooir de aux contreindre as dessus dites [fol. 54] choses tenir et de aux gaigier senz plait, senz fuyte, senz asloigne ausic cum de chose que ait estei jugié per nos an nostre cort. Et que ce soit plus ferme chose et plus estauble, per la requeste del dita del dit Guillermin et del dit Ancous, nos avons mis nostre seaul an cels presentes letres. Ce fu fait an l’an nostre Signour m. cc. sexante et trois, el mois de marz.

Apparat critique

a Ajouté à la suite puis gratté : del dit.

Comment citer cette notice

Xavier   Hélary . " Le cartulaire de la seigneurie de Nesle ( 1269 , Chantilly , 14 F 22 )", dans Le cartulaire de la seigneurie de Nesle , Orléans : Institut de Recherche et d'Histoire des Textes , 2006 . [en ligne]. http://www.cn-telma.fr/nesle/acte 26 /.

Mentions légales | Colophon | Contacts | Haut de page