IRHT

> Actes

<Acte 24>

Regeste

Frère Amaury de La Roche, commandeur du Temple en France, notifie qu’il a accensé à Jean, damoiseau, seigneur de Nesle, et à ses héritiers, le sixième du moulin de la Place, pour trois setiers de blé, moitié froment, moitié orge, à la mesure de Châillon-sur-Seine, à prendre sur ledit moulin ou à défaut sur le four que Jean possède à Nesle.

Acte

Nos, freres Amaurriz de la Roche, comanderres de la chevalerie del Temple an France, faisons savoir a touz cels qui verront et orront cels presentes letres que nos, per lou lox et per lou outroi de noz freres, et por lou proffit del Temple, avons acensi perduraublement a Jehant, damoisial, signour de Neelles, et a ses hoirs, lou sixte del siege del molin de la Place qui siet antre Chamesson et Esparve el finaige de la dite vile de Chamesson, et tout lou droit que nos aviiens el dit molin an aigue ou defors, an quelque [fol. 51v] meniere que ce fust, por chief del molin, ce est a savoir por trois sexteres de blef, moitié froment moitié orge, a la mesure de Cheisteillon sus Seynne, a paier chascun an au certain comandement del Temple as octaves de la Tous Sainz ; et est assise ceste dite censive sus tout lou dit molin ; et se il avenoit chose que li diz molins chesist an desert ou que il ne suffisast a paier chascun an la dite censive a la plus grant segurtey de paiier la dite censive au termine desus nonmei, li diz Jehans lou defaut de ce que li diz molins ne porroit perfaire nos assiet sus son four de Neelles an quelque leu que il siese an la dite vile ou el finaige de Neelles ou an autre ; et quicumques lou teingne li frere del Temple hi sunt assignei ; et li dux lou nos conferme come de son fié, lou dit Jehant vuillant et outroiant que nos puissiens au dit four assigner et prendre les exues [fol. 52] jusque a tant que nos fussiens anterinement paiié de la dite censive ; et se li comandemenz del Temple avoit nuls damaiges des lou termine dessus dit an avant que il doit lou devant dit blef an aller an venu a la dite vile de Neelles por defaut del dit paiement, Jehanz devant diz ou sui hoir seroient tenu au rendre au regart de bonez genz et l’amende selonc les us del payis ; et por ce faisant nos, an nom del Temple, avons mis lou dit Jehant an corporel saisine por lui et por ses hoirs del sixte del siege del dit molin et de tout lou droit que li Temples hi avoit, sic comme il est dit dessus, prometanz an nom del Temple que li Temples ne irat jemais ancontre desoranavant et garantirat au dit Jehant de Neelles et a ses hoirs les choses dessus dites anvers toutes genz jusque a droit, selonc l’estaublissement del ducheaume de Borgoigne ; et por ce que ce soit ferme chose et estau[fol. 52v]ble a touz jours mais, nos avons cels presentes letres seellées de nostre seaul per lou conseil de noz freres. Ce fu fait an l’an de l’incarnation nostre Signour m. cc. et sexante et huit, el mois de juillet.

Comment citer cette notice

Xavier   Hélary . " Le cartulaire de la seigneurie de Nesle ( 1269 , Chantilly , 14 F 22 )", dans Le cartulaire de la seigneurie de Nesle , Orléans : Institut de Recherche et d'Histoire des Textes , 2006 . [en ligne]. http://www.cn-telma.fr/nesle/acte 24 /.

Mentions légales | Colophon | Contacts | Haut de page