IRHT

> Actes

<Acte 22>

Regeste

Frère Jacques, abbé de Notre-Dame de Châtillon-sur-Seine, et Gui de Semur, chevalier, bailli de la Montagne, notifient qu’en leur présence Isabelle, damoiselle, fille de feu Guillaume Bridaine, a reconnu avoir vendu, par nécessité et avec l’accord de son mari Poincet Rostie, à Jean de Nesle, écuyer, un demi muid de blé à la mesure de Châtillon, moitié froment moitié avoine, qu’elle tenait sur le four de Coulmier-le-Sec d’un héritage, pour la somme de 40 l. de viennois qu’elle reconnaît avoir reçue ; elle a investi Jean de cette rente. A la requête des vendeurs, l’abbé de Notre-Dame et le bailli de la Montagne ont scellé l’acte.

Acte

Nos, frere Jaques, humiles abbés de Nostre damea de Cheisteillon sus Seynne, et nos, Guiz de Semur, chevaliers, bailliz de la Montaigne, faisons savoir a touz cels qui verront et orront cels presentes letres que, por ce estaublie specialment an nostre presence, Ysabiaus, damoisele, que fu fille Guillaume Bridayne, at reconehu per devant nos, de sa propre voluntei, non mie contreinte, que ele por son besoing et por lou besoing son mari et por lour preu, at vendu et quittei a touz jours per lou lox et per lou outroi Poincet Rostie, son mari, a Jehant de Neelles, escuier, demi mue de blef a la mesure de Chesteillon, moitié froment moitié avoine, que ele at an heritaige de son chief el four de Colonmiers lou Sec, por quarante livres de la monoie de viennois ; des quex ele et li diz Poincez ont reconehu per devant nos lour [fol. 48v] avoir receu et ahu del dit Jehant lour plein paiement an pecune numbrée, et s’en sunt tenu por paiié antierement ; et est li demis mues de blef del fié au dit Jehant ; et del devant dit mue de blef se est desvistue la devant dite Ysabiaux por li et por ses hoirs, et per lou lox et per lou outroi del devant dit Poincet Rostie son mari ; et an at revestu lou dit Jehant de Neelles per non de vendue ; et ont promis la dite Ysabiax et li diz Poincez per lour soiremenz donez corporelment an noz mains a garantir au dit Jehant et a ses hoirs la dite vendue, ne que il ne iront ancontre ne ne consentiront a aler desoranavant an fait ne an dit ; et quant a ceste vendue tenir il ont obligié an la main del dit Jehant de Neelles et de ses hoirs aux et lour biens moubles et non moubles an quelcumque leu que il peussent estre trovei ; et at renuncié la dite Ysabiaus a toute exception de avouherie et de [fol. 49] mariaige et ele et ses mariz ont renuncié et renuncent a tout droit de crestientei et de pohestei et a toutes autres aihides que lour porroient aidier an cest fait et nuire au dit Jehant ou a ses hoirs. Et por ce que ce soit ferme chose et estauble, nos avons cels presentes letres seellées de noz seaus, a la requeste de la dite Ysabial et del dit Poincet son mari. Ce fu fait an l’an de grace mil et dous cenz et sexante et sept, el mois de novembre.

Apparat critique

a dame ajouté au-dessus de la ligne.

Comment citer cette notice

Xavier   Hélary . " Le cartulaire de la seigneurie de Nesle ( 1269 , Chantilly , 14 F 22 )", dans Le cartulaire de la seigneurie de Nesle , Orléans : Institut de Recherche et d'Histoire des Textes , 2006 . [en ligne]. http://www.cn-telma.fr/nesle/acte 22 /.

Mentions légales | Colophon | Contacts | Haut de page