<Acte 18>

Regeste

Hugues d’Arcy, bailli d’Auxois, notifie le jugement qu’il a rendu entre Hervé de Turcey, chevalier, et Jean de Nesle, écuyer ; les deux parties ayant été à plusieurs reprises mandées, une fois par le prédécesseur de Hugues d’Arcy comme bailli d’Auxois, Guillaume de Chassey, chevalier, et quatre fois par Hugues lui-même, et Hervé de Turcey ne s’étant jamais présenté, au contraire de Jean, qui a demandé à être mis en saisine du don que lui avait fait le duc de Bourgogne de l’hommage du fief tenu à Échannay par ledit Hervé : Hugues d’Arcy donne raison à Jean de Nesle et condamne Hervé de Turcey à obéir au mandement du duc qui lui ordonnait d’entrer dans l’hommage dudit Jean.

Acte

Nos, Hugues de Arcy, bailliz de Aussoys por noble baron, Hugue, duc de Borgoigne, faison asavoir a touz cels qui verront cels presentes letres que cum mes sire Herviers de Turcey, chevalier, fust ajornéz per devant mon signour Guillaume de Cheacey, chevalier, nostre devantier a Vietial, lou mardi aprés la Chendelouse, au claim Jehant de Neelles, escuier, au dit jour li diz Jehanz vint per devant nostre devantier devant dit, li diz Herviers ne vint ne anvoiat et li diz Jehanz dist que se li diz Herviers fust presenz, il li fesist sa demande an tel forme que il disoit que li dux li avoit donei lou fié que li diz Herviers tenoit del duc a Aschenney et as apertenences, et que li dux mandoit au dit [fol. 37v] Hervier que il an antrast an la foi au dit Jehant ansic cum il an estoit an la foi au dit duc, si cum nos avons vehu as memoriaus seellez del seaul de nostre dit devantier ; et del dit don nos monstrat li diz Jehanz les letres pendanz lou duc, requeranz a nos que nos les dites letres li fesissiens tenir ; et nos de rechief ajornasmes lou dit Hervier a noz assises anseguanz a Vietial sauf les esploiz au dit Jehant por aler an la cause por tant cum raisons aporteroit ; as quels assises li diz Herviers ne vint ne anvoiat, lou dit Jehant attendant tant cum il duit per devant nos an disant sa demande dessus nonmeie. Nos de rechief rajournasmes lou dit Hervier a autres trois assises ansiguans a Vietial per devant nos contre lou dit Jehant mandanz au dit Hervier que il venist descolper les deffauz per devanta nos lou venredi devant Pasques [fol. 38] flories auquel jour il ne vint ne anvoiat ne ne descolpat les deffauz, lou dit Jehant attendant sic cum il duit. De rechief nos ajornasmes lou dit Hervier lou mardi apres lou mois de Pasques per devant nos a Vietial contre lou dit Jehant por oir droit sus les deffauz, au quel jour li diz Herviers ne vint ne anvoiat, lou dit Jehant present per devant nos et requerant que nos li rendessiens droit sus les deffauz et sus sa demande raasnie plusours foiz per devant nos. Nos devant diz bailliz, vehuz la demande et les deffauz seellez del seaul de nostre dit devantier et de nostre seaul haianz deu devant nos yaus, an nom del pere et del fil et del saint Esperit, pour les deffauz del devant dit Hervier per lou conseil mon signour lou duc et adroit avons mis lou dit Jehant an saisine [fol. 38v] del dit fié, condempnanz lou dit Hervier quant a la dite saisine, salve la raison sire Richart de Gaphes, borgeis de Flavigney, qui estoit assignéz as ixues del dit fié a années dont il at les letres lou duc. El tesmoing de la quel chose, nos avons baillié au dit Jehant ceste sentence seellée de nostre seaul. Ce fu donei a Vietial, lou mardi apres lou mois de Pasques, an l’an de grace mil dous cenz et sexante et nuef, el mois de avril.

Comment citer cette notice

Xavier   Hélary . " Le cartulaire de la seigneurie de Nesle ( 1269 , Chantilly , 14 F 22 )", dans Le cartulaire de la seigneurie de Nesle , Orléans : Institut de Recherche et d'Histoire des Textes , 2006 . [en ligne]. http://www.cn-telma.fr/nesle/acte 18 /.