IRHT

> Actes

<Acte 16>

Regeste

Hugues, duc de Bourgogne, notifie qu’en sa présence Jean de Nesle, fils d’André de Nesle, a reconnu avoir donné à Reine, sœur de Hugues de Remelley, autrefois femme de Gauteron de Seneilley qui était dit de Nesle, et à Juhannette, fille de ladite Reine, la maison qui appartint à Poinçon de Nesle, à Nesle, ainsi que divers champs et pièces de terre, que Reine et Juhannete tiendront de Jean de Nesle. De plus, Jean a donné en fief à Reine et à Juhannette le droit d’user pour leurs bêtes des mêmes droits dont jouissent ses hommes. Si Reine et Juhannette mouraient sans héritiers, tout cela reviendrait à Jean de Nesle. De leur vivant, elles se conformeront aux usages de Nesle et se soumettront à la justice de Jean. A la demande des parties, le duc a scellé l’acte.

Acte

Nos, Hugues, dux de Borgoigne, faisons savoir a touz cels qui verront ces presentes letres que an nostre presence estaubliz Jehanz de Naelles, filz mon signour Andreu de Naelles, at reconehu per devant nos que il at donei a Reyne, suer mon signour Hugon de Remelley, que fu fenme Gauteron de Seneilley qui estoit apellez de Naelles, [fol. 35] et a Juhannete, fille de la dite Reyne, et as hoirs de lour propre cors an heritaige permaignauble la maison que fu mon signour Poinçon de Naelles que est an la vile de Naelles, et lou més et lou cortil qui est delez la maison que fu as boixeaus, et lou champ des hautures, et lou champ au prestre qui est delez, et lou champ qui fu a la Bordeliere, et lou champ Guillaume qui siet an la voie de Verdonnay, et la conme de la voie de Colonmiers, et dous jornaux qui furent Guillaume selonc lou champ au boitous, et un jornaul qui fu Herbert lou Giffart qui siet an la voie de Sauvesey, et lou champ de Bruhières, et lou champ des Penduz, et ce que il at el champ de Forest, bois et plain, senx la cloison ansic cum li peres Jehant lou fit assarter, et lou champ de la conme au maire ; an fié et an chasement que ce la dite Reyne, Juhannete sa fille et lour hoir qui istront de lour [fol. 35v] propres cors tenront del dit Jehant et de ses hoirs. Et at donei li diz Jehanz an fié a la dite Reyne, Juhannete sa fille et as hoirs de lour cors, a lour bestes user de touz les usaiges que li honme au dit Jehant usent et useront an la dite vile et el finaige de Naelles an bois, an plain et an pastures, an tel meniere que cele Reyne, Juhamnette sa fille ne li hoir de lour cors ne puient user des bois ne des usaiges de la vile ne del finaige se an la vile non esta et el finaige ; et an tel meniere que se il avenoit que la dite Reyne, Juhamnete sa fille morissent senz hoirs de leur corsb propres cors, donc Dex les gart, toutes ces choses devant dites revanroient au dit Jehant de Naelles ou a ses hoirs perduraublement ; ne nuls de part la dite Reyne, Juhamnete sa fille ne porroit riens demander ne reclamer as devant dites choses. Et la Reyne, Juhamnete sa fille et li hoir de lour propres cors [fol. 36], tant cum il tenront, riens ne auront en la dite vile de Naelles et el finaige, et il useront des choses et des usaiges de la dite vile et del finaige et se justiseront an la vile de Naelles et el finaige, per lou dit Jehant et per ses hoirs, an toutes les choses que a la justise et a la signorie de la dite vile et del finaige apertenront et apertienent. Et por ce que ce soit ferme chose et estauble, a la requeste del dit Jehant et de la dite Reyne et de Juhannete sa fille, nos devant diz Hugues, dux de Borgoigne, avons mis nostre seaul an ces presentes letres. Ce fu fait an l’an de Jhesucrit nostre Signour mil et dous cenz et sexante et quatre, el mois de juign1. [fol. 36v]

Apparat critique

a On lit "non ' ".

b Ajouté à la suite puis gratté : cors.

Notes

1 Un doute subsiste sur le nom du mois : d’ordinaire juin est « juing » ; ici on trouve « juign », pour « juignet » ?

Comment citer cette notice

Xavier   Hélary . " Le cartulaire de la seigneurie de Nesle ( 1269 , Chantilly , 14 F 22 )", dans Le cartulaire de la seigneurie de Nesle , Orléans : Institut de Recherche et d'Histoire des Textes , 2006 . [en ligne]. http://www.cn-telma.fr/nesle/acte 16 /.

Mentions légales | Colophon | Contacts | Haut de page