<Acte 15>

Regeste

Hugues, duc de Bourgogne, notifie qu’en sa présence Mathieu de Nesle, chevalier, a reconnu avoir quitté de toute revendication sur le fief de Cormaillon Jean, damoiseau, seigneur de Nesle, et Harmengeart, dite Blanche, dame de Sombernon, fille de Mathieu d’Étais, après partage fait entre Mathieu et Jean ; Mathieu, s’étant dévêtu de ce fief, en a investi Jean et Harmengeart.

Acte

Nos, Hugues, dux de Borgoigne, faison savoir a touz cels qui verront et orront ces presentes letres que an nostre presence estaubliz mes sire Matheus de Naelles, chevaliers, at reconehu per devant nos que il quitte a touz jors, senz nul reclain, de son asponegrez et non mie contrainz, a Jehant, damoiseal, signour de Naelles, et a ma dame Harmengeart dite Blanche, dame de Sombernon, fille mon signour Matheu de Hastez, et a lour hoirs, apres ce que les parties furent faites del devant dit Matheu et del devant dit Jehant, lou fié de Cormoillon ; et s’en est desvistuz li devant diz Matheus per devant nos et an at anvistu lou devant dit Jehant et la devant dite Harmengeart corporelment ; et at promis cil diz Matheus per sa foi donée corporelment garantir cele quittance de cel fié devant dit au dit Jehant et a la dite ma dame Harmengeart [fol. 34v] et a lour hoirs, de lui et de ses hoirs bien et leiaulment, et que il contre ceste quittance ne vanrat ne autrui an non de lui ne ferat venir de ci an avant ne nule chose n’i reclamerat. El tesmoignaige de la quel chose nos avons mis nostre seaul an ces presentes letres a la requeste del dit Matheu. Ce fu fait an l’an de grace m. cc. lviii. el mois de marz.

Comment citer cette notice

Xavier   Hélary . " Le cartulaire de la seigneurie de Nesle ( 1269 , Chantilly , 14 F 22 )", dans Le cartulaire de la seigneurie de Nesle , Orléans : Institut de Recherche et d'Histoire des Textes , 2006 . [en ligne]. http://www.cn-telma.fr/nesle/acte 15 /.