Edition
F. 14v :
Incipit ordinacio de festis sanctorum. - Et primo notandum est quod in omni duplici et
semiduplici, in primis vesperis dicitur R. Omni vero
die a cujus festi sancti vel sancte iii lectionum dicitur in
matutinis super ix psalmos
prima antiphona proxima nocturni ad festum
pertinentis, versiculus vero et responsorium ad diem
F. 381 :
Office de saint François.
De sancto Francisco.
- [Invitatorium] ‘Regi, que fecit opera, | Christo
confiteantur, | cujus in sancto vulnera | Francisco
renovantur.’
- Ps. ‘Venite’.
- Ymn. ‘Jhesu redemptor’
- In primo nocturno.
- Ant. ‘Hic vir in vanitatibus | nutritus
indecenter, | plus suis nutritoribus | se gessit
insolenter.’
- Ps. ‘Beatus vir’.
- Ant. ‘Excelsi dextre gratia | mirifice mutatus, |
dat lapsis spem de venia | cum Christo jam beatus.’
- Ps. ‘Quare fremuerunt’
- Ant. ‘Mansuescit sed non penitus | in primis per
langores, | qui, captis armis celitus, | ad plenum
mutat mores.’
- Ps. ‘Domine, quid’.
- V. ‘Justum dedit’.
- Lectio prima ‘Postquam beatus Franciscus
immanitatem paterne persecucionem [sic]
evaserat, accidit die quadam ut ipse legis nove
zelator in quodam nemore seminudus incederet, et sic
Domino laudes decantaret, subito latrones incederet,
quibus ferali modo quisnam querentibus, nil
trepidans respondit. ’
- R. ‘Franciscus in publicum | cessat negociari, |
in agrum mox secedit meditari ; | inventum
euvangelicum | thesaurum vult mercari.’ V. ‘Deum,
quid agat, unicum | consultans, audit celicum |
insigne sibi dari. Inventum.’
- Lectio secunda ‘Preco sum magni Regis. Quid ad
vos ? At illi indignantes servum Dei in
foveam nivibus mlenam post verbera projecerunt, et
futuro dominici gregis pastori taliter insultando
dixerunt : Jace, rustice preco
Dei ! Ipse vero, recedentibus illis
nephariis, de fovea letus exiliit et omnium Creatori
laudes alacriori voce personavit.’
- Responsorium ‘In Dei fervens opere, | statim ut
sua vendidit, | pauperibus impendere | pecuniam
intendit, | que gravi suo pondere | cor liberum
effundit.’ V. ‘Quam, formidante paupere, |
presbytero recipere | abjectam vilipendit. Que
gravi. ’
- Lectio tertia ‘Tandem, qui preciosis consueverat
uti indumentis, in sola vili camisa venit ad quodam
cenobium monachorum, nimirum nec agnitus nec
reputatum, victus penuria viliter in coquina
permissus est ; donec, viso quod nuditatem
ejus miseracionis nemo respiceret, post plures dies
sola neccessitate abiret.’
- [Responsorium] ‘Cum pater hunc persequitur, |
latens dat locum ire ; | constanter [f. 381v] post aggreditur | in publicum
prodire : | squalenti vultu cernitur, |
putatur insanire.’ V. ‘Luxo, saxis impeditur, | sed
patiens vir nititur | ut mutus pertransire.
Squalenti. Gloria. Squalenti.’ Gloria. Squalenti.’
- In secundo nocturno.
- Ant. ‘Pertractum domi verberat | plus cunctis
furens pater, | objurgans vincit,
incarcerat ; | quem furtim solvit mater.’
- Ps.‘Cum invocarem’.
- Ant. ‘Jam liber, patris furie | non cedit
effrenati, | clamans se voluntarie | pro Christo
mala pati.’
- Ps. ‘Verba’.
- Ant. ‘Ductus ad loci presulem, | sua patri
resignat ; | nudusque manens exulem | in
mundo se designat.’
- Ps. ‘Domine, Dominus noster’.
- V. ‘Amavit eum Dominus’.
- Lectio quarta ‘Postea cum sanctitatis ejus fama
circumquaque celebratur, prior loci ob curam tanti
viri neglectam graviter compunctus, usque ad illum
dolens pervenit et humiliter ab eo pro se suisque
veniam postulavit.’
- R. ‘Dum seminudo corpore | laudes decantat gallice
| zelator nove legis, | latronibus in nemore |
respondet sic prophetice : | preco sum
magni Regis.’ V. ‘Audit, in nivis frigore |
projectus : jace rustice ! |
futurus pastor gregis. Respondet.’ [f. 639v]
- [Lectio] quinta ‘Progressus igitur a monasterio
supradicto, pauperculus Jhesu Christi, veniensque in
civitatem cui nomen Eugubium, illic quemdam suum
noverat amicum prestinum requisivit qui ob veterem
amicitiam tunicula nuditatem illius obtexit.’
- R. ‘Amicum querit pristinum | qui spretum in
cenobio | tunicula contexit ; | contemptu
gaudens hominum, | leprosis fit obsequio, | quos
antea despexit.’ V. ‘Sub typo trium ordinum | tres,
nutu Dei primo, | ecclesias erexit. Leprosis fit.’
- Lectio sexta ‘Postea humilis sui contemptor et jam
se ab hominibus contempnens, ad leprosos se
transtulit.Quibus devotissime serviens et eorum
humiliter ulcera lavit, saniemque detegere non
abhorruit. Antea tamen hujusmodi homines in tantum
despexerat quod, non solum illos e vicino, sed eorum
domos e longinquo prospiciens, nares obturare
consueverat.’
- R. ‘Audit in euvangelio | que Christus suis
loquitur | ad predicandum missis ; | hoc,
inquit, est quod cupio. | Letanter hiis innititur |
memorie commissas [sic].’ V. ‘Non utens virga,
calcio, | nec pera, fune cingitur, | dupplicibus
dimissis. Letanter. Gloria. Letanter’
- In tertio nocturno.
- Ant. ‘Cor verbis nove gratie | sollicitus apponit,
| verbumque penitentie | simpliciter proponit.’
- Ps. ‘Domine, quis’.
- Ant. ‘Pacem, salutem nunciat | spiritus in
virtute, | vereque paci sociat | longinquos a
salute.’
- Ps. ‘Domine, in virtute’ [f. 382].
- Ant. ‘Ut novis sancti meritis | remuneratus hiis,
| nova tradit monita, | viam simplicitatis.’
- Ps. ‘Domini est terra’.
- V. ‘Ora pro nobis’.
- Lectio septima ‘At ubi illum sua Dominus gratia
visitavit, adhuc seculari habitu constitutus quidam
fatuito occurrit ei. Quo et si solito more horreret
aspecto, vim tamen sibimet faciens, vincit seipsum,
et constanter accedens osculatum est illum. Ex hoc
itaque ad sui contemptum ferventius inardescens
bella sibi ipsi continua cepit ingerere ;
donec desuper eti daretur perfecta[m] de se
victoriam optinere.’
- R. ‘De paupertatis horreo | sanctus Franciscus
satiat | turbam Christi famelicam, | in via ne
defficiat ; | iter pandit ad gloriam | et
vite viam ampliat.’ V. ‘Pro pauperibus | regnat
dives in patria, | reges sibi substituens, | quos
hic vitat [sic] inopia. Iter.’
- Lectio octava ‘Fecit igitur, sicut ipse postmodum
testatus est, misericordiam cum leprosis, quos etiam
videre non poterat cum adhuc viveret in peccatis.
Alios vero pauperes et afflictos, cum adhuc seculo
esset, deditus pio semper compassionis affectu
respexit et libentissime se pro Deo petentibus
misericordie manum porrexit.’
- R. ‘Sex fratrum pater septimus, | absortus luce
celitus, | futura contemplatur. | Inter minores
minimus, | quis parvi gregis exitus | preclare
speculatur.’ V. ‘Quadrans quorum novissimus |
culparum fidei penitus | dimitti revelatur. Quis.’
- Lectio nona ‘Exprobans autem propter morem quadam
vite pauperi se pro Deo roganti mox super hoc
compunctus gravissime doluit, et nimis arbitabatur
indignum denegare quicquam pro tanti Regis nomine
postulatum.’
- R. ‘Euntes, inquit, in eum | qui nutriet vos
Dominum | jactate cogitatum. | Fratribus erroneum |
perducit et interminum | callem cupiditatum.’ V.
‘Sic curis cor extraneum | non providet in crastinum
| in zonis es ligatum. Perducit. Gloria. Perducit.’
- Ps. ‘Te Deum’.
- V. ‘Justus germinabit’.
Comment citer cette notice
Lebigue
,
Jean-Baptiste
.
"
Bréviaire à l’usage de Paris, adapté à celui de Quimper
(
Paris
,
Bibliothèque nationale de France
,
ms. latin 1294
)", dans
,
Jean-Baptiste
Lebigue
,
Benjamin
Suc
, éds,
Orléans
:
Institut de recherche et d’histoire des textes
,
2006-2009
. (Ædilis, Publications scientifiques, 7).
[en ligne :]
http://www.cn-telma.fr/liturgie/notice
116
/ .