IRHT

Enquêtes menées sous les derniers capétiens

> Accord conclu entre le roi et les hommes du Puy (1)

Archives nationales, JJ 38, n°6

Enquête

[1]

Quoddam accordum inter regem ex una parte et homines de Podio ex alia factum.

Ph. Dei gratia Franc. rex. Universis presentes litteras inspecturis salutem. Notum facimus quod cum per dilectum clericum nostrum magistrum Radulphum Rousseleti, canonicum Dolensem, de mandato nostro facta fuisset inquesta contra homines Podii de Gontaldo, Agennensis dyoc., super eo videlicet quod dicti homines cessasse diutius dicebantur in solutione 100 s. morl. nobis et nostris predecessoribus annuatim ratione excercitus nobis et predecessoribus nostris ab eis debiti et per compositionem dudum factam cum ipsis hominibus in hoc consentientibus per Guillelmum Arnaldi de Cantaleone, militem, tunc senescallum Agennensem, et per R. comitem tunc Tholosanum confirmatum, eisdem hominibus quittati mediantibus dictis 100 s. morl. dicto comiti et successoribus suis et dictis hominibus annuatim et perpetuo solvendis. Et cum non restaret nisi diffinitivam ferre super hoc sententiam contra ipsos, Sanctius de Labatuto, eorum procurator, habens inter cetera speciale mandatum compromitendi, transigendi ac etiam componendi, prout in quodam instrumento publico, per manum Rostandi de Elbedador, generalis notarii dyoc. Agennensis curie nostre tradito, plenius continetur, nolens super premissis diffinitivam sententiam expectare, voluit et consensit et procuratorio nomine dictorum hominum, ipsos obligavit adssolvendum nobis et successoribus nostris et thesaurario nostro Agennensi pro nobis dictos 100 s. morl. annis singulis perpetuo in festo Omnium Sanctorum, et insuper promisit, quo supra nomine, nobis et thesaurario nostro predicto pro nobis infra instans festum Nat. Domini solvere 100 l.t. parvorum pro arreragiis redditus supradicti [fol. 10] premissa nobis offerens spontanea voluntate et pro premissis tenendis, servandis ac etiam adimplendis, dictus procurator, bomine procuratorio, se et dominos suos predictos specialiter obligavit ac omnia bona ipsorum presentia et futura. Nos vero volentes misericorditer agere in hac parte et eisdem gratiam facere speciale premissa acceptavimus ipsum procuratorem nomine procuratorio de predictis arreragiis, mediantibus dictis 100 l.t. quittantes ac etiam absolventes. Et volumus quod homines predicti dictos 100 s. morl.annui redditus de cetero persolvant annuatim in festo Omnium Sanctorum thesaurario Agennensi pro nobis. In cujus rei testimonium nos ad dicti procuratoris requisitionem presentibus litteris fecimus apponi sigillum ad perpetuam memoriam predictorum. Actum Parisius anno Domini millesimo ducentesimo nonagesimo nono, mense martii.

Comment citer cette notice

Elisabeth Lalou, Xavier Hélary. "Accord conclu entre le roi et les hommes du Puy (1) (Archives nationales, JJ 38, n°6)", dans Enquêtes menées sous les derniers capétiens, Elisabeth Lalou, Christophe Jacobs, éds, Paris : Centre de ressources numériques TELMA, 2007. (Ædilis, Publications scientifiques, 4). [En ligne] http://www.cn-telma.fr/enquetes/enquete99/ .

Mentions légales | Colophon | Contacts | Haut de page