Presidentes Parisius pro negociis domini regis Petro de Bituris, succentori Aurelianensi, et Guillelmo dicto Cheni, canonico Sancti Petri Puellarum Aurelianensis, clericis domini regis, collectoribus ad levandum quinquagesimum et vicesimum quintum in senescallia Carcassone, Bellicadri et Rutenensis deputatis, ac1 domino senescallo Carcassone vel ejus locum tenenti, salutem.

Notum vobis facimus quod procuratores hominum de Mesua, de Marcelhano, de Masignano, de Pineto, de Sancto Poncio de Malis Canibus, de Almis, de Do gnis, de Lopiano necnon et aliorum castrorum dyocesis Agathensis, vicarie Biterr. senescallie Carcassone, conquerentes de quadam ordinatione facte, ut dicitur, per magistrum Johannem de Foresta, domini regis clericum, levandis 8 s. parv. t. a singulis foccis pro subsidio guerre presentis, ipsa guerra durante, asserentes quod predictos homines multipliciter et intolerabiliter fore gravatos occacione ipsius guerre, tractatu inter vos, nomine domini regis, et procuratores predictos super hiis habito, graviora evitare volentes, in quantum in eis est concesserunt quod homines predicti dabunt domino regi singulis annis in subsidium guerre presentis, ipsa guerra dumtaxat durante, illam predictam quantitatem que esset si singulis foccis 6 s. parv. t. levarentur pro dicto subsidio ita quod, ipsa guerra durante, sint immunes ab omni dono, mutuo, subsidio et exactione alia quod seu que eis in futurum posset inpono seu ab eis levari seu exigi occacione dicte guerre, et quod illud quod levatum est quoquomodo, occasione dicte guerre, post dictam ordinationem dicti magistri Johannis, occacione ipsius ordinationis cedat et veniat in solutum. Nos vero, atendentes gravamina que predicti homines sustinuerunt occasione dicte guerre et guerre Aragonum, predictam cessionem vice et auctoritate regia acceptavimus modo et forma predictis vobis et cuilibet vestrum ex parte domini regis mandantes quatenus ab omnibus seu universitatibus predictorum castrorum et villarum occasione quinquagesimi seu vicesimi quinti vel alias, occasione dicte guerre ultra dictam quantitatem aliquid non levetis seu exigatis, levari seu exigi permitatis seu eis inponatis vel judicatis si dicti homines dicte concessioni voluerint assentire. Item vos ac presentes litteras inspecturos scire volumus quod non est nec fuit intentionis domini regis neque nostre quod propter hoc seu propter aliqua alia subsidia per ipsos homines dicto domino regi inpensa quod dicta guerra jus novum eidem domino regi acquiratur seu quod alicui nove servituti homines predicti [su]bdant seu quod hujusmodi subsidium vel alia subsidia predicto nomini fogagii sorciatur.

Datum Parisiis sub sigillo regio die martis post festum beati Francissi anno Domini M^oCC^o nonagesimo septimo.