Brevis extractus cujusdam informacionis reperte in thesauro litterarum regis facte anno Domini M^oCCC^oXII^o, super facto gardiarum aliquarum ecclesiarum ducatus Britanie, et non cavetur ibi per quem commissarium, sed facta fuit per Gaufridum Pelyon, notarium publicum auctoritate imperiali, presentibus procuratore regio et pluribus aliis : U cum dicta informacione est reperta relatio magistri Yvoni Prepositi de Bosco Buss. tunc procuratoris regis in Britania super dicta informacione confecta.

Et primo abbas monasterii Belli Portus, abbas beate Marie de Bello Loco, prior de Combour, abbas monasterii Sancte Crucis juxta Guingampum, religiosi hospitalis Sancti Johannis Jherosolimitani, ducatus Britanie et episcopus Briocensis, exhibuerunt litteras in dicta informatione sub signo dicti tabellionis insertas, aliqui videlicet super facto fundationum ecclesiarum suarum factarum per comites olim et duces Britanie et alias litteras per quas dicti comites et duces eisdem concedunt et donant certas villas etc. et omne jus, dominium et obeissanciam cum omni libertate et quictantia perpetuis temporibus libere et quiete, eximendo eos et homines suos ab omni jurisdictione ipsorum et successorum suorum, nichil in eis retinendo cum pluribus clausulis et verbis similibus in effectu, contentis in litteris supradictis et sunt puncta signata in margine sic : No. Prior de Dolis, abbas Veteris Ville, archidiaconus et canonici Dolensis, prior Macloviensis, prior Sancti Maclovii de Dynano, prior de Lehon, abbas Sancti Menenni de Gael, abbas Beate Marie de Boquion, prior Sancti Stephani de Jugonio, prior Sancti Martini de Lamballa, episcopus Trecorensis, abbas de Legar, prior Sancti Salvatoris de Gueingampo, prepositi et canonici Briocenses asseruerunt et dixerunt inter cetera se esse exemptos ab antiquo ab omni jurisdictione ducis Britanie et quod nunquam intraverunt in ipsius fidelitatem et homagium de suis temporalibus quod erant et semper fuerunt in gardia regis et ipsum super hoc advoabant et quod rex erat in possessione et saisina habendi gardam ipsorum et ipsi similiter de essendo in sua gardia et de suis superioritate et ressorto, et quod de hoc tam de fundationibus suis a comitibus et ducibus Britanie factis quam alias habebant bonas litteras que erant in abbatia Cisterciensi et alibi quas promiserunt exhibere dicto procuquando vellet, loco et tempore oportuno.

Abbas autem Sancti Jacuti de Insula, Dolensis dioc., idem dixit. U dixit quod per neglegentiam aut corruptionem cujusdam pro procuratore abbatie se gerentis per quandam inquestam factam cum duce Britanie absque consensu procuratoris regis ac dicti abbatis et conventus dicti monasterii dux Britanie a 20 annis citra compulit dictum abbatem curie sue judicio obedire, licet injuste, cum erat de gardia regis et ipsum super hoc advoabat.

Et sunt hec omnia tabellionata et sigillata.