IRHT

Enquêtes menées sous les derniers capétiens

> Enquête sur les revenus du roi en Bretagne

Archives nationales, J 240, n°42

Enquête

[1]

Inobedientiam episcoporum, excepto Vannetensi episcopo qui prefatis magistris dixit quod nolebat incurrere indignationem regis et quod mandaverat gentibus suis ut decimam pro rata ecclesie sue ipsis magistris solverent.

Item, est notandum quod propter negligentiam ballivorum quorundam Turonensium dominus rex amisit multas temporalitates et superioritates in quibusdam locis Britannie, sicut in villa Rothon. que villa tenetur a domino rege sine medio ; ibidem dux Britannie paulatim trahit ad se juridicionem et dominium ville predicte, et abbas qui dominus est ville predicte respondet coram duce de de

Item prior prioratus Sancti Geronis semper habuit in dominum temporalem sine medio dominum regem, modo et de novo dominus Anteneyo attrahit juridicionem et dominium ejusdem prioratus, diruendo furcas predicti prioratus, hominesque ejusdem prioratus capiendo, incarcerando et alia enormia committendo, ubi nullus videre solebat, nisi solus rex.

Item multe grosse emende debentur in Britannia propter saisinas fractas et inobedientias et alios enormes casus commissos in gentes regis, quibus et aliis superius contentis tale et tam celere remedium apponatur quod de cetero prelata Britannie talia facere non presumant et quod ad posteros trahatur in exemplum, alioquin tota terra illa erit periculosa regi.

Item dominus thesaurarius Andegavensis dixit prefatis magistris Andegavis quod prelati Britannie unicam decimam concesserunt, prout magister R. Rousselet scripsit per suas patentes litteras que sunt in Camera Compotorum, vel esse debent.

Item invenerunt prefati magistri quod in Turonia et Andegavia et in feodis incloatis in Andegavia, si bene rex habere poterit et cito usque ad 30000 l. vel amplius a personis laicis que non solverunt subventionem centesimalem et quinquagesimalem, tempore quo levabantur predicte subventiones, sed obmisse fuerunt predicte persone.

Item, ad hec quod premissa execucioni efficaciter demandentur, dux Britannie super hiis est requirendus, quia forte non pateretur quod ipso irrequisito in terra sua fierent aliqua novitates.

Comment citer cette notice

Elisabeth Lalou, Xavier Hélary. "Enquête sur les revenus du roi en Bretagne (Archives nationales, J 240, n°42)", dans Enquêtes menées sous les derniers capétiens, Elisabeth Lalou, Christophe Jacobs, éds, Paris : Centre de ressources numériques TELMA, 2007. (Ædilis, Publications scientifiques, 4). [En ligne] http://www.cn-telma.fr/enquetes/enquete7/ .

Mentions légales | Colophon | Contacts | Haut de page