[1]

Ce sont les nons des persones qui ont eu leur mesons arses au Chastiau Neuf l'an de grace mil trois cens et un, le mecredy apres la Madelaine, lesquels ont esté examinez par serement et cescus par soy de lour damages par Simon Lo Monier, Guillaume Rebrachein, Guillaume de Machiau et Jouin Taon, bourjois de Chastiau Neuf.

Martin le Munier, une meson, une granche ou le feu prist premierement et ou il chera bien demy arpent de bois et coustera bien la meson et la granche a refaire 8 l. Et dit ledit Martins par son serement que le meuble que il a perdu dedens, c'est asavoir coutes cousins, huchees, dras, napees, robes et autres garnisons d'ostel, valoient bien 8 l. quer le feu le souprist sit que il n'empeut riens oster.

Item La Biaumoutonne, une meson ou il chera bien 1 quartier de bois et coustera bien la meson a refaire 60 s. Et dit par son serement que le meulble que elle a perdu dedens, c'est asavoir une coste, 1 cosin, 2 huches et autre garnison d'ostel, valoit bien 40 s. desquex le fornier qui demoroiet en la meson en doit avoir 20 s.

Item, les enfans feu Lorens Gigan, une meson ou il cherra bien demy arpent de bois et couster bien la meson a faire 8 l., en laquele meson Adem Marcheant demoroit, qui dit par son serement que le meulble que il a perdu dedens, c'est a savoir une coute, 1 cousin, 2 huches, dras, napes, 2 paielles et autres garnisonz d'ostel, valoient bien 70 s.

Item Bricet Chauviau, une meson ou il chera bien 1 arpent de bois et coustera bien la meson a refaire 12 l. Et dit par son serement que le meulble qu'il a perdu dedens, c'est a savoir 12 tonniax de vin et 12 l. en deniers sez, 2 bacons, huches, draps, napes, coutes, cousinz et autres garnisons, valoient bien 50 l.

Item Gratart, une meson ou il cherra bien 1 quartier de bois et coustera bien la meson a refaire 100 s. en laquelle meson Thiebaut chapelain, demoroit, qui dit par son serement que le meuble que il perdy dedens, c'est a savoir une coute et 1 cousin, valoit bien 16 s.

Item Henniom, une meson ou il cherra bien 1 quartier de bois et costera bien la meson a refaire 100 s. et dit par son serement que ill i a perdu en argent sech, en sa huche 24 l. que il avoit gaingnies en marcheandise de fains et de foustilles, et en devoit partie aus bone gens, sy conme il disoit par son serement, et 3 tonniaus de vin qui furent prisiés 9 l. et garnison d'ostel, c'est a savoir une coute, 1 cosin, 2 huches, dras, napes, 2 tapis, tables, formes et autre garnison menue, qui valoit bien 100 s., desquex 100 s. Jamet de Choisi le recouvreour qui demoroit en ladite meson en doit avoir 50 souz pour sa garnison qui fut arse.

Item Rambaut, la meson du four ou il cherra bien demy arpent de bois et costera bien la meson a refaire 8 l.

Item Ornestier, une meson ou il cherra bien 1 quartier de bois, et costera bien la meson a refaire 4 l.

Item Benoet Gentis, une meson et une granche ou 1 presoir estoit, qui furent abatuz, ou il cherra bien 1 quartier de bois, et costera bien la meson a refaire 4 l.

Item Colin Chardonniau, 2 mesons ou il cherra bien 5 quartiers de bois et cousteront bien les mesons a refaire 16 l. Et dit par son serement que le meulble que il i a perdu dedens, c'est asavoir blés d'ostel, valoient bien 20 l.

Item Symon Benoet et Bennoiet Duport, une meson ou il cherra bien demy arpent de bois et coustera bien la meson a refaire 8 l., en laquele meson Perrin Charrier et Jammet son frere demoroient. Et dient par lour serement que le meulble que il perdirent dedens, c'est asavoir 2 coutes, 2 cousinz, 3 huches, dras, napes, robes, forniaus, tables et ferremens a tonnelier et 2 tapis et autre menue garnison, valoient bien 8 l., desquiex lidiz Perrins en doit avoir 6 l. et Jamet son frere 4 s., et demeurent ensenble.

Item Jofin des Vallees une meson ou il cherra bien 1 quartier de bois et coustera bien la meson a refaire 4 l. Et dit par son serement que le meulble que il a perdu dedens, c'est asavoir huches, tonniaus et cues et merrien a vingnes, valoient bien 4 l., et autre menue garnison.

Item La Fouquerelle, une meson et une granche ou il charra bien 3 quartiers de bois et coustera bien a refaire 12 l. Et dit par son serement que le meulble que elle a perdu dedens, c'est asavoir 4 muis de segle et 6 l. en deniers sez en robes entieres forrees de conins, de brunete et cues et tonniaus, en huches, dras et napes, valoient bien 15 l. et en autre garnison.

Item Siset des Chans, une meson et une granche ou il cheroit bien 1 arpent de bois et cousteroit bien a refaire 12 l. Et dit par son serement que le meulble que il a perdu dedens, c'est asavoir 3 charetees de fain et 1 c. et bois congnoie, valoit bien 60 s.

Item Davy de Gerguel, une granche ou il charra bien 1 quartier de bois et costera bien a refaire 4 l.

Item Adam de la Noe, une granche ou il charra bien demy arpent de bois et coustera bien a refaire 8 l. Et dit par son serement que le meulble que il a perdu dedens, c'es a savoir 7 gerbes, qui furent prisiés a 3 mines de blé, et bois cognoie apartenant a son molin, valoient bien 60 souz.

Item Renaut Gentiz, une meson ou il cherra bien demy arpent de bois et costera bien a refaire 8 l. Et dit par son serement que le meulble que il a perdu dedens, c'est asavoir grans cuves, grans tonniaus, et petit bois cognoie a son mesonner, 3 porciaus qui furent ars et une vingne qui fu arse, valoient bien 40 l.

Item Colin Pairon et ses parchonniers, une grant he ou il cherra bien 1 quartier de bois et coustera bien a refaire 4 l. Et dit par son serement que le meuble que il a perdu dedens, c'est asavoir bois cognoy a soi mesonner et 2 charetees de fain, valoient bien 40 souz.

Item Jouin Berteaume, une chanbre ou il cherra bien demy quartier de bois et coustera bien a refaire 40 souz.

Item la fame feu Jehen Tourne Mote, une meson et une granche ou il charra bien 1 arpent de bois, et cousteront bien arrefaire 16 l. Et dit par son serement que le meuble que elle a perdu dedens, c'est a savoir coutes, cousinz, tapis et blé, robes, huches, dras, napes, cues et grans tonniaus, petis tonniaus de moison, paielles et autre garnemens d'ostel, valoient bien 23 l. et 12 d.

Item Guiot de Berry, une meson abatue ou il charra bien demy quartier de bois et coustera bien a rrefarre 40 soz. Et dit par son serement que le meuble que il a perdu dedens, c'est a savoir 3 tonniaus de vin qui furent degastés au feu, qui furent prisiez 9 l. et autre garnison de son ostel, tonniaus vieus, merrien a vin, 60 s. et en autre garnison. Somme 12 l.

Item Jouim le Huchier, une meson ou il cherra bien demy arpent de bois et coustera bien a refaire 8 l. Et dit par son serement que le meuble que il a pardu dedens, c'est a savoir 2 tonniaus de vin et marrie a faire huches, 2 muis de blé, 6 mines de feves, pos de cuivres, pailles, 5 huches et 1 cuir a aparaillier soulers et autres garnison valoient bien 17 l. 3 s.

Item Jouim Tournemote, 2 mesons ou il charra bien 1 arpent de bois et coustera bien a refaire 16 l. Et dit par son serement que le meuble que il a perdu dedens, c'est a savoir 7 tonniaus de blé, 5 muis de blé, 1 bacon, 9 huches, dras, napes, coutes, cosins et autres garnisons d'ostel, valoient bien 40 l.

Item Guillot Perichon, une borde ou il cherra bien 1 quartier de bois et costera bien arrefaire 4 l. Et dit par son serement que le meuble que il a perdu dedanz, c'est asavoir 2 cotes, 2 couzins, huches, dras et napes, 2 paielles et autre garnison d'ostel, valoient bien 4 l.

Item la fame feu Estiene Taon, une meson, 1 presour, une grache ou il cherra bien 2 arpens de bois, et cousteront bien arrefaire 32 l. Et dit par son serement que le meulble que elle a perdu dedens, c'est asavoir 3 tonniaus de vin perduz en feu, 9 l., et por grans cues, pour grans tonniaus 21 l. Item pour 6 muis de blé pour doubliers, autre vaissiaux, une douzaine de tonniaus neus, 12 l. Et pour merrien qui estoit prest a faire une meson 12 l., pour 1 presour qui estoit en ycele meson 12 l., pour 2 coutes, pour pos de cuivre, paielles, huches, dras, napes, toielles, 16 l. Somme 80 l. 40 s.

Item, la Meson Dieu, une granche, une bercherie, ou il cherra bien 1 arpent de bois et coustera bien a refaire 16 l. Et dit le mestre par son serement que les meulbles que il a perduz dedanz, c'est asavoir 20 muis de blé, 20 charetees de fain, 36 milliers d'essaine neuve, mesirien, congnoy pour mesonner cuves, cuviers, charetes, reues neuves et autres choses, valoient bien 50 l.

Item, la fame au feu mestre, une granche ou il charra bien demy arpent de bois, et costera bien a refaire 8 l. Et dit par son serement que le meuble que elle a perdu dedens, c'est asavoir coutes, cousinz, paielles, trepiés, huches, pelichons, dras, napes, couvertours et autres garnisons d'ostel, valoient bien 70 s.

Item, la Gauteronne, une meson ou il charra bien demy arpent de bois et costera bien a refaire 8 l. Et dit par son serement que le meuble qu'ele a perdu dedens, c'est assavoir 12 charetees de fain, 5 s. de gluis d'estrain, 2 grans cuves et 2 grans tonniaus, valoient bien 10 l.

Item, Pierre Aalent, pour sa meson qui fu abatue, 1 quartier de bois.

Item, La Hariote, pour 2 tonniaus de vin qui furent gastés au feu estaindre, si comme elle dissoit par son serement, 6 l.

Somme du demmage des meubles et pour refaire les mesons : 690 l.

Somme de bois : 16 arpens pour ces mesons arses refaire.

Ce sont les nons des personnes qui perdirent leur garnisons aval les rues, qui lour furent enblees, sy comme eus disoient par leur serement, qui requierent la grace nostre seigneur le roy, lesquex furent examinés par serement, cescun par soy, quel demmage il li avoient en mius que l'empout :

Bigon la Guiarde, por une coute et une paielle qui li fu enblee et par son serement, 21 s.

Bouqueriau, pour dras, napes, 1 sercot qui li furent enblé 20 s.

Guillot Minart, pour 1 pelichon et 1 chaperon a fame, 10 s.

Les enfans feu Baill., pour une coute et 1 cousin et 1 sercot tout neuf qui furent ars aval les rues, sy comme il disoient par leur serement, 40 .

La derote, pour fille que elle avoit en 1 sac et 1 chaperon forré qui li fut enblez : 20 s.

Poquiau, pour une coute, 1 cousin, 2 dras qui li furent enblés : 20 s.

Thomas Aude, pour 1 coussin et 6 mines d'avaine qui li furent enblés 20 s.

La Masole, pour 6 dras et une coute qui li furent enbles 20 s.

Belon la Camuse, une coute, paielles, trepiez, 1 coussin et 1 sercot qui ardy enmie la rue 40 s., si comme elle les traient hors.

Somme : 10 l. 10 s.