IRHT

Enquêtes menées sous les derniers capétiens

> Suplique des consuls d'Albi et Realmont à Jeanne, reine de France et de Navarre, 1303.

Bibliothèque nationale de France, Doat 103, fol. 83

Enquête

[1]

Serenissime domine gloriosissime generose claritate dignissime radiante domine Johanne, Dei gratia illustrissime regine [83 vo] Francie et Navarre consules et universitates suorum hominum infrascripte se ipsos et illius reverentie summam qua tam sublimis magnificencie dominam ejus decentibus oportunis auxiliis et frequentibus presidiis cognoscimus esse dignam reginam celi, scimus propter suam humilitatem in celestibus exaltatam, ut ibi habeamus eam Deo dignis intercessionibus advocatam et vos dominam constituit rex celestis regalium sedium assistricem ut senciant innocentes vos in suis necessìtatibus adjutricem, cum igitur d.n. rex clementissimus suorum servorum amore tactus et pietatis sibi date celitus non oblitus pro patria reformanda destinaverit ad has partes venerabiles dominos Johannem, vicedominum Ambianensem, d. de Pinquonio, militem et R. Nepotis, archidiaconum Algie in ecclesia Lexoviensi, clericum, vestros [fol. 84] serenitate conscientie puros vita et moribus insignitos, provida prudencia preditos et inde justitie virtuosos et inestimabiliter fructuosos, ut de multis turbationibus nos eriperet et sue dignationis piis presidiis sublevarret et nunc quidam veritatis lumina non ferentes vias obscuras suis flagiciis oportunas dampnabiliter diligentes contra predictos dominos veritatis amatores veros et falsitatis malleatores duros, quibusdam uti intelleximus iniquis machinationibus eleventur, dum eos diffamare contendunt, quibusdam verborum figmentis et aures dicti d.n. regis instruunt fallicibus argumentis nescimus ad cujus recurramus auxilium, nisi ad vestre consuete misericordie thronum, quem quia sentimus sepe proficium in hac tam arduo negocio petimus esse benevolum et attentum, clamamus igitur omnes viri et [84 vo] mulieres, juvenes et virgines, senes cum junioribus ad vos anchoram et primam fiduciam nostre spei, quatenus predictos venerabiles viros nobis adhuc prestet benigna pietas regia magestatis ut terra que sepe sensit vestre dignationis amorem in dilectione d.n. regis magis ac magis per eorum ministrorum nutriatur, innocentibus fama reddatur et omnibus pax et concordia concedatur nec tam late et vobis fidelis patrie tanto discrimini et tam periculose turbationi aliquatenus exponatur, ad sinum igitur vestre multipliciter experte dulcedinis omnes confugimus et preces nostras quas apud dictum d.n. regem fundimus manibus vestris benignis offerimus, quas per vos dominam nostram exaudiri firmiter credimus et speramus, conservet vos Altissimus nobis vestris fidelibus per [87] tempora longiora et de bono in melius prosperet actus vestros. Datum Albie mense septembris anno Domini millesimo trecentesimo tercio.

Et nos consules civitatis Albie sigillum nostre communitatis ad majorem firmitatem habendam presentibus litteris apposuimus in pendenti. Et nos consules Regalis Montis, diocesis Albiensis, sigillum consulum dicti loci his presentibus litteris duximus impendenti apponendum.

Extrait coll. de l'orig. en parch. scellé de deux sceau de cire jaune trouvé aux archives de l'hôtel de ville d'Albi ... [vo]. Fait à Albi le onsiesme octobre 1669.

Comment citer cette notice

Elisabeth Lalou, Xavier Hélary. "Suplique des consuls d'Albi et Realmont à Jeanne, reine de France et de Navarre, 1303. (Bibliothèque nationale de France, Doat 103, fol. 83)", dans Enquêtes menées sous les derniers capétiens, Elisabeth Lalou, Christophe Jacobs, éds, Paris : Centre de ressources numériques TELMA, 2007. (Ædilis, Publications scientifiques, 4). [En ligne] http://www.cn-telma.fr/enquetes/enquete137/ .

Mentions légales | Colophon | Contacts | Haut de page