IRHT

Enquêtes menées sous les derniers capétiens

> Accord entre Pierre de Ferrières, sénéchal de Rouergue et Berenger d'Arpaiole, seigneur de Chaumont.

Archives nationales, JJ 52, n°60

Enquête

[1]

Ludovicus Dei gratia Francorum et Navarre rex. Universis presentes litteras inspecturis salutem. Notum facimus quod cum inter Petrum de Ferreriis, militem, senescallum nostrum Ruthenensem, nomine nostro et pro nobis, ex parte una, et nobilem virum Berengarium de Arpaiole, d. de Calomonte, domicellum ex altera, de his que nos habebamus et habere poteramus in locis vocatis de Fayvarolis et de Heluos inferius confrontatis suis in senescallia Ruthenensi in affario vulgaliter appellato Gorcos prope Sanctum Jorinum cum quarta parte quam dictus Berengarius habebat in baronia de Montebruno pro indiviso cum nobilibus viris Arnaldo Barati, milite, Guill. de Cardelliaco et Raymondo Barati, domicellis, que quidam [sic] baronia pro parte in senescallia Caturcensi et pro parte in predicta Ruthenensi senescallie noscitur situata quedam permutatio seu excambium fuisset prolocutum ac etiam concordatum in modum qui sequitur, nostra super hoc voluntate retenta, videlicet quod nos heredes et successores nostri habeamus, teneamus et possideamus perpetuo jure proprio imperpetuum valituro dictam quartam partem integraliter baronie predicte ad dictum Berengarium tunc pro indiviso spectante cum nobilibus antedictis cum omnimoda jurisdicione alta et bassa, castro, villis, feodis, focis, hominibus, redditibus, censibus, domibus, edificiis, proprietatibus, nemoribus, aquis et omnibus aliis universis et singulis que ad dictum Berengarium pertinebant seu pertinere poterant quoquomodo, ratione et ex causa dicte quarte partis baronie predicte, absque omni onere debitorum et legatorum seu emendarum et omnium aliorum si que esset, pro quibus dicta pars dicte baronie esset seu esse posset quomodolibet obligata, transferens idem Berengarius in dictum senescallum nostrum, recipientem nostro nomine et pro nobis, heredibus et successoribus nostris et eidem cedens nomine predicto recipienti et sollempniter stipulanti totum jus et actiones quos et quas recione dicte quarte partis habebat seu habere poterat in futurum, inducens etiam idem B. eundem senescallum nostrum nostro nomine et pro nobis etc in possessionem dicte quarte partis suorum et omnium aliorum ad dictam quartam partem pertinencium, ut superius est expressum. Et nichilominus confessus fuit idem B. se precario nomine nostro possidere quartem [sic] partem baronie supradicte quousque nos per nos seu alium nostro nomine corporalem possessionem dicte quarte partis baronie supradicte et omnium ad eam pertinencium adepti fuerimus, promittens idem B. eidem senescallo nostro recipienti et stipulanti pro nobis de evictione totali et particulari si cum, in et pro predictis appareret pro quibus omnibus et singulis attendendis, complendis et integraliter observandis, obligavit se idem B. et omnia bona sua mobilia et inmobilia, presencia et futura sub renunciacionem [sic] juris cujuslibet et cautela et juravit ad sancta Deo evangelia corporaliter tacta predicta omnia et eorum singula tenere, servare et complere integraliter, prout superius sunt expressa, et quod idem B., ratione et ex causa dicti exscambii seu permutationis et in recompensacionem omnium predictorum suique heredes et successores in futurum perpetuo habenunt, tenebunt et possidebunt jure proprio et im-[32 vo]-perpetuum valituro loca et territoria predicta, vulgaliter appellata de Favayrolis et de Heluos inferius confrontata cum omnimoda jurisdicione alta et bassa, feodis, focis, hominibus, redditibus etc que ad nos in locis predictis et infra confrontationes infrascriptas et in locis pariagii de Vabro infra dictas confrontationes contentis tempore permutacionis seu escambii predictorum pertinebant seu pertinere poterant quoquo modo, omni obligatione seu onere libera atque quita, transferens idem senescallus vice et nomine nostro ac pro nobis in dictum B. et eidem cedens recipienti pro se etc et sollempniter stipulanti totum jus et actiones quos et quas habebamus seu habere poteramus in futurum in locis predictis et eorum pertinenciis inferius confrontatis, inducens nichilominus idem senescallus dictum B. quo supra nomine, in possessionem locorum predictarum et pertinenciarum eorundem et omnium aliorum ad dicta loca pertinencium, ut superius est expressum, et nichilominus confessus fuit de nostro nomine et pro nobis dicta loca cum pertinenciis et juribus suis superius expressatis ac etiam expressandis precario nomine dicti B. possidere quousque idem B. sollempniter stipulanti de evictione totali et particulari fiet cum in et pro predictis appareret.

Comment citer cette notice

Elisabeth Lalou, Xavier Hélary. "Accord entre Pierre de Ferrières, sénéchal de Rouergue et Berenger d'Arpaiole, seigneur de Chaumont. (Archives nationales, JJ 52, n°60)", dans Enquêtes menées sous les derniers capétiens, Elisabeth Lalou, Christophe Jacobs, éds, Paris : Centre de ressources numériques TELMA, 2007. (Ædilis, Publications scientifiques, 4). [En ligne] http://www.cn-telma.fr/enquetes/enquete118/ .

Mentions légales | Colophon | Contacts | Haut de page