Stephanus, comte de Bourgogne, a donné à l'abbaye de Cîteaux un pelletier et ses biens situés à Lons-le-Saunier. Il donne aussi deux montées hebdomadaires de sel et remet les droits de page à l'abbé Alexandre.

Omnibus tam posteris quam presentibus per hanc cartam sigillo meo communitam notum facio quod ego Stephanus comes Burgundie dedi ecclesie Cisterciensi possessione libera et perpetua hominem unum nomine Giroldum pellificem et eius heredes cum omni hereditate sua apud Ledonium. Preterea Iherosolimam profecturus dedi prefate ecclesie de muria singulis ebdomadis duas monteys post decessum meum iure perpetuo possidendas. Dedi autem hec omnia quieta et ab omni exactione libera. Remisi etiam toti Cisterciensi ordini per universam terram meam peagium et omnem exactionem in manu domni Alexandri Cisterciensis abbatis et in omni vita mea singulis annis pro investitura predicte elemosine dedi unam carratam salis eidem ecclesie. Laudaverunt hec omnia frater meus comes Gerardus et comitissa Joeta uxor mea. Testes : G Theoloci, J Caritatis, P Accincti, H Bullionis abbates, Amarricus dominus de Mirovualdo, Hugo abbas, Raynaldus de Montbys. Acta ab Incarnatione Domini Mo Co LXXo.

Transcription d’après cartulaire 167. Numéro CBMA : 18650

Rey Coraline

A. Original perdu. — B. Copie 1252, Lons-le-Saunier, AD Jura, 17 H 23. — C. Copie XIIIe siècle, Dijon, AD Côte-d'Or, 11 H 64 (cartulaire 166), f. 133r, n° 3. — D. Copie XIIIe siècle, Dijon, AD Côte-d'Or, 11 H 67 (cartulaire 167), f. 68v, n° 9. (cartulaire)