Philippe de Remi, bailli du Gâtinais, et Guillaume Le Doyen, de Lorris, font savoir que Thibaut Oriant a reconnu n’avoir aucun droit sur la mairie de Montereau ni sur d’autres possessions dans la baillie de La Cour-Marigny, dont l’abbé de Saint-Benoit-de-Fleury lui a confié la garde.

Universis praesentes litteras inspecturis, Philippus de Rumino, baillivus Vastinensis, et Guillelmus dictus Decanus, Loriaci, salutem in Domino. Cum religiosus vir Joannes, abbas Sancti Benedicti Floriacensis, majoriam de Monsterello cum suis pertinentiis, herbergagia de Nemosio et de Mota, cum pertinentiis suis, et quasdam alias possessiones in bailliva de Curte Matriniaci constitutas a Milone de Ponte, monachorum milite, et Osanna, relicta Bartholomaei Judas, comparasset, et dictus abbas custodiam et receptionem censuum et reddituum ejusdem majoriae Theobaldo Oriant, qui erat de parentela ejusdem Osannae, commisisset, et quod idem Theobaldus consuetudines et redditus praedictae majoriae plenius cognovisset, timens dictus abbas ne forte crederetur ab aliquibus dictum Theobaldum et ejus uxorem propter dictam custodiam seu reddituum supradictorum receptionem in dicta majoria jus habere, volens sibi et ecclesiae suae in posterum praecavere, dictos Theobaldum et ejus uxorem fecit evocari coram nobis qui in nostra praesentia pariter constituti, confessi sunt, spontanei non coacti, nullam penitus possessionem, nullum jus, nullam justitiam, nullum omnino dominium in dicta majoria nec in rebus supradictis se habere, postulantes ut super ipsorum confessionc publicum fieret instrumentum, et nos, ad petitionem partium, praesentes litteras fieri et sigillorum nostrorum minimine fecimus roborari. Datum Lorriaci, anno Domini 1242, mense septembri.

Numéro CBMA : 12351

Orléans, AD du Loiret, H 22 (anc. H 30), cartulaire B de Saint-Benoît-sur-Loire (XVIIIe s.), p.  203, n. 349 (cartulaire)