Privilegium Karoli de omnibus abbatiis et curtibus Eumène, évêque de Nevers, se trouvant à l’armée royale, au siège de Paris, obtient de Charles Le Gros la confirmation des biens de son église, déjà reconnus par son oncle l’empereur Charles Le Chauve et son père Louis Le Bègue, parmi lesquels la charte cite à Nevers: les abbayes Saint-Martin, Saint-Trohé, Saint-Arigle, Saint-Sauveur, Saint-Loup et Gildard. Les abbayes de Saint-Franchy, Saint-Vincent de Magny, Cours sur la Loire, de Saint-Genest et Notre-Dame. En Auvergne l’abbaye de Cusset où les religieuses prenaient deux parts des revenus et l’évêque la troisième à titre de fief; l’abbaye située dans l’île Galli; l’abbaye de Glaudon; la cella de Saint-Didier; l’abbaye de Saint-Péreuse en Morvan, de Saint-Parize entre Loire et Allier; de la porte de ville avec ses deux tours, près Saint-Didier, appelée porte épiscopale: du cloître Saint-Cyr et des places situées hors la ville. Des châteaux d’Imphy, Urzy, Guérigny, Marzy, Prémery, etc., des biens possédés dans les comtés voisins; enfin des honneurs et des marques de respect accordés dans toutes les villes. Les mêmes privilèges, les mêmes alleux restant aux chanoines de Saint-Cyr.

In nomine sancte et individue trinitatis, Karolus gratia Dei imperator augustus. Si fidelium nostrorum aurem celsitudinis nostre petitionibus accomodaverimus, morem predecessorum nostrorum, parentum, regum scilicet et imperatorum exercebimus. Igitur cognoscat prudentia et inquisitio fidelium sancte ecclesie catholice, presentium scilicet et futurorum, quia dum apud Parisium cum Germanicis et Francis ad obsidionem sederemus contra paganos, Emmenus, venerabilis vir episcopus Nevernensis ecclesie in eadem militia nobiscum pernoctans, quadam die precepta predecessorum nostrorum imperatorum et regum cognoscenda et relegenda obtulit, in quibus continebantur immunitates sui episcopii, et abbatie et curtes indominicate et reddita beneficia ab avunculo nostro Karolo imperatore, fratre patris nostri Ludovici, Germanorum regis. Postulabat itaque predictus episcopus ut preceptum nostre roborationis et consensus priorum patrum addere dignaremur. Nos autem etiamsi de majori re postulasset, cum illi prompta mente favere ob reverentiam sui sacerdotii conabamur, adepto consilio cum primoribus palatii nostri, probavimus quod innotescebat et precabatur agendum, morem denique regum et imperatorum, patres scilicet et avunculos nostros imitantes et eorum instituta toto animo conservare optantes, constituimus precepti conscriptum Nevernensi ecclesie et venerabili pontifici Emmeno, de abbatia sancti Martini extra murum Nivernis sita, et de omnibus suis redditibus; de abbatia sancti Troesii, de abbatia sancti Agricole, de abbatia sancti Salvatoris, de abbatia sancti Geldardi sanctique Lupi, de abbatia sancti Francovei, de abbatia sancti Vincentii in Magniaco, de Curte etiam ultra Ligerim, de abbatia sancti Genesii et sancte Marie Dei genitricis, in qua sanctimoniales femine Deo militant; de abbatia in Cutiaco jussu et studio Emmenni episcopi edificata, de qua constituimus in aliud preceptum ut sanctimoniales duas partes suis usibus de omni beneficio absque ullo servitutis obsequio habeant, et omnem tertiam partem de omni beneficio totius abbatiæ sive de alode nobilium ibi condonato, habendam Nevernensi episcopo censuimus, nisi ipse episcopus suam tertiam partem sanctimonialibus feminis sponte tempore famis, aut pro aliqua opportunitate vel necessitate usque ad constitutum ab episcopo tempus reliquerit et licenter uti et exfructificari permiserit; de abbatia etiam in insula Galli posita, cum omnibus suis beneficiis et de beneficio quod Richardus comes eidem abbatie per carte scriptum apposuit, Emmeno episcopo postulante; de abbatia Glaudone cum omnibus sibi pertinentibus; de cellula sancti Desiderii extra et contra portam civitatis posita; de abbatia sancti Petrusii in Morvenno cum omnibus suis appendiciis; de abbatia sancti Patricii, inter Ligerim et Alericum fluvios, cum omnibus appendiciis; de porta etiam civitatis cum ambabus turribus contra sanctum Desiderium structa, que et porta episcopalis dicitur; et de claustro canonicorum et de omnibus areis infra civitatem positis, ut nullus judex, nullus seculi principatus mansionare aut servitium exigere, aut occupare presumat; de manu etiam firmis, ut judicio episcopi et dispositione sicut incipiunt habere exordium, ita judicio et definitione episcopi utrum vere an false sint, utrum stabiles an inutiles sint, tantummodo absque judiciali potestate comprobantur, ordinentur et difiniantur. De Amfiaco et mallis ejus, ut sicut ab antiquo, ita etiam ex hoc tempore omnia conserventur; de Urziaco, de Variniaco ac mallis ejus ex antiquitate conservatis; de Marsiaco, de Primiriaco, de Dagoniaco, de Marsiciaco, de Diguntio, de Artado et de beneficio in provintia et de illis beneficiis que sunt in Matcodonense comitatu et in Catalonensi comitatu, et Augustudinensi comitatu, et in Autissiodorensi comitatu, et in Bituricensi comitatu, et in Arvernensi comitatu, quantumcumque ex sancti Cyrici ratione ab antiquitate esse cognoscitur; et ut immunitas integra in omnibus conservetur ut eumdem honorem et observantiam quam ceteri episcopi in suis urbibus habent, episcopus Nevernensis ecclesie in suis que ad se pertinent, habeat hec precepto instituimus et instituendo decernimus. De causa quoque fratrum canonicorum sancti Cyrici quidquid a regibus, et ab episcopis ejusdem ecclesie de Patriniaco, de Saviniaco, de Curte, de Germiniaco, de Wuariniaco, de Viriniaco, de alodiis communibus eorum sicut difinitum est, ita et nos consentiendo diffinimus et hoc preceptum manu propria subscripsimus, et anulo nostro adsignari rogavimus. Signum Caroli gloriosissimi imperatoris Augusti. Amalbertus notharius ad vicem Liutuardi recognovi. Datum XV kalendas januarii anno incarnationis Domini DCCCLXXXVIII, indictionne V, anno VI regni Caroli piissimi imperatoris augusti in Italia, in Francia IIII in Gallia II. Acta Parisiis in Dei nomine feliciter. Amen.

Numéro CBMA : 7297

Paris, BNF, collection Gaignières, lat. 9207, folio 15 (copie)