DE ABBATIA SANCTI LAURENTII. Gauslenus, évêque de Mâcon, confirme à Rodulfus de Bagé la possession de l'abbaye Saint-Laurent [Saint-Laurent-sur-Saône] et de ses dépendances.

Dum esset dominus Gauslenus presul in urbe Matisconensi et resideret in proprio consistorio haut procul a basilica Sancti Vincentii martiris, adiit Rodulfus dominus Balgiaci presentiam ejus totis precordiorum animis humillime poscens concedi sibi et suis heredibus aliquid ex prefati martiris rebus in Lugd. et Matisc. (pagis) conjacentibus, scilicet abbatiam Sancti Laurentii ex antiquo nomen obtinens cum rebus et omnibus ad se rite pertinentibus, atque in Bucenno olim villa sed jam penitus diruta et XII mansos cum curtilibus, mansionariis, radis, pratis, silvis, aquis, aquarumque decursibus, exitibus et regressibus; et in parrochia Chigiaci XVIII mansos, chasatos XI, scilicet Adonem, Bernonem, Gaucerannum, Andratum, Vernerium, Eterium, Stephanum, Girbertum, Berthelium, Durannum, Formaldum, et infra muros mansorum septem domos. Petitionem cujus alacriter suscipiens tam dominus pontifex quam et reliqui fratres sub eo degentes, de quorum ratione ipse res fore videbantur, contulerunt et concesserunt ei cum Balgiaco cum appendigiis suis que ante possidebat a quo verteret maximo chasamento, et ne repetitio vel controversia aliqua exinde oriretur, hanc donationem jam dictus episcopus fieri jussit et manu sua firmavit. S. Umberti, S. Johannis, S. Raynerii, S. Ottonis. S. Teutardi. Actum est hoc tempore Ludovici regis.

Numéro CBMA : 2 évêque Gauslenus (1019-1030) Rodolphe, seigneur de Bagé : c. 1015-c. 1023.

Mâcon, AD Saône-et-Loire, G 198, Cartulaire de la cathédrale Saint-Vincent de Mâcon (Livre à la chaîne) (cartulaire)