Donatio monasterii sancti Verani, domno Aldeberto abbati, a Pontio, abbate Veranense, facta. Poncius, abbé du monastère saint Véran, donne à Aldebertus, abbé de Lérins, le monastère saint Véran [du Loup] avec toutes ses dépendances, situé dans le territoire de Vence.

Item de eodem. In nomine Domini nostri Jhesu Christi, ego Poncius, abbas monasterii sancti Verani, cum consilio omnium monachorum meorum et cum consilio domni Duranti, episcopi Venciensis, cunctorumque canonicorum suorum, et cum consilio Raimbaldi atque Lanberti et Amici, dono Deo et sancte genitrici ejus Marie sanctoque Honorato monasterii Lirinensis, atque abbati ejusdem loci Aldeberto cunctisque monachis tam presentibus quam futuris ibidem assidue Deo militantibus monasterium sancti Verani, in quo positus sum abbas, quod situm est in pago Venciensi, cum omnibus appendiciis, suis predicto Lyrinensi monasterio, pro inolita religione ipsius loci trado et firmiter concedo, ut deincebs habeant et perpetue, absque inquietudine aliqua vel contradictione, possideant. Et hanc donationem religiosissimo Lyrinensi monasterio facio, ne locus ipse sancti Verani /fol. 48v°/, post obitum meum pristini nominis dignitatem valeat amittere quam habuit actenus a tempore Karoli Magni, regis Francorum, qui illud construxit et donis suis ditavit, sed permaneat in eo pristina dignitas, juvante Christo, et cum Lirinensis monasterio adjutorio. Domnus Durantus, Venciensis sancte sedis episcopus, voluit et manu sua firmavit ; Aldebertus, episcopus Antipolitanus, firmavit ; Andreas, Nicencis episcopus, firmavit ; Raimbaldus firmavit ; Lanbertus firmavit ; Amicus firmavit ; Brocardus firmavit ; Aicardus firmavit ; Logerius et Raimbaldus de Sancto Laurentio firmaverunt ; Lanbertus firmavit. Sane, si quis hanc donationem aliqua occasione infringere vel violare voluerit ac monasterio Lirinensi auferre conatus fuerit, auctoritate apostolorum Petri et Pauli et nostra excomunicationei [lettre -i suscrite, remplaçant lettre -e barrée] perpetue, nisi resipuerit ab hac nequicia, submitimus. Facta est autem hec carta anno ab incarnato Dei verbo M°L, inditione II.

Nice, AD Alpes-Maritimes, H0010, cartulaire 2 de l'abbaye Saint-Honorat de Lérins, fol. 48r° (cartulaire)