Etienne, Evêque de Metz, notifie que le service annuel qu'il prétendait exiger de l'abbé de Senones, relevé pour deux part du ban de Senones et pour le troisieme des ban de plaine et Vipucelle.

In nomine sanctæ et individuæ Trinitatis. Notum sit omnibus, tam præsentibus quam futuris, quia ego Stephanus Metensis episcopus, cum a domo Senoniensi, ejusdemque domus abbate annale servitium exigerem, abbas Anthonius præfixa sibi die requisitum servitium non a domo, sed ab banno Senoniensi debere impendi idoneis testibus productis sufficienter probavit. Adsignavit præterea quod duæ partes ejusdem servitii totius banni Senonlensis attestatione ibidem essent assumendæ, tertia pars in banno Wipodicelle, et de Planea esset colligenda. Actum est hoc apud Senonos quarto non. April. ab Incarnatione Domini anno millesimo centesimo vicesimo quinto, indictione prima, concurrente iij. epacta vij. Hujus rei testes sunt Theodericus primicerius. Richerus decanus sancti Stephani. Philippus archidiaconus. Albero capellanus. Milo abbas Mediani-monasterii. Rainaldus comes de Bar. Fredericus frater ejus de Ferretes. Henricus comes de Salmis, et advocatus ejusdem loci. Baudericus miles de Scopatio, et Laudricus filius ejus. Domnus Hæchebertus de sancto Mauritio, Hæchebertus filius ejus. Stefridus Villicus, Tiercelinus, Constantius, Lambertus de Monte. Germanus, Hopertus, Remigius, Theodericus. Lavendarius de Banno Vipodicelle. Benedictus presbyter. Tiercommannus laïcus, Bero Lambertus, Firminus. Norpertus, et plures alii.

[non indiqué] ([non indiqué])