Diplôme du roi Conrad III, roi de Bourgogne et de la reine, Mathilde concernant le jeune Artaud, sur le point de se marier avec Adalagie qui leur avait demandé à titre de précaire un bien appartenant à l'abbaye de Saint-André-le-Bas. Ils lui concèdent Leyrieu avec son église de Saint-Martin, la villa de Pélussin, le manse de Roche, l'église de Saint-Laurent dans la villa d'Asnières (commune de Villette-d'Anthon, département de l'Isère), moins le bien situé à Pommier qui appartient à l'abbaye. Les futurs mariés et leurs futurs enfants auront l'usufruit de ces propriétés contre un cens de cinq sous à payer à la Saint-André.

In nomine Domini Dei eterni & Salvatoris nostri Jesu Christi, Chuonradus gratia Dei rex & conjux ejus regina Matildis esse notum volumus nostris fidelibus, quod illustris juvenis Artoldus nostram expetiit presentiam, deprecans ut largiri sibi dignaremur quoddam (fº 71 vº) predium beati Andree apostoli, cujus est nomine dicatum apud Viennam monachorum cenobium ibidem Deo regulariter militantium sub regimine patris Eimoyni, quod videlicet genitor ejus Gerardus obtinuerat. Cujus nos peticioni secundum jam dicte ecclesie in futuro utilitatem saventes, indulsimus illi expostulatum a nobis fundum, id est Lesiacum, cum ecclesia Beati Martini ibi constructa & omnibus appendiciis suis; in Peloceris quoque villa, quantum ad prefatum monastherium pertinere videtur, mansum etiam de Rocha cum appendiciis suis; in Asviaco preterea villa quicquid prelibata ecclesia habere videtur; ecclesiam necne Sancti Laurentii cum omnibus rebus suis inquisitis & inquirendis. Itaque predictas res sub beneficio prestarie cum omni integritate eo tenore concedimus, ut quamdiu prefatus Artoldus & Adalaia futura ejus uxor & nascituri ex eis heredes vixerint, usum & fructum exinde percipiant: quod si absque filiis mortui fuerint predictus Artoldus & Adalagia, prenominate res ad predictum cenobium integre perveniant. Prediolum vero quoddam in Pomerio situm & ad ecclesiam Beati Andree pertinens ab ac largitione separamus. Ad corroborationem autem hujus prestarie, singulis annis in festivitate sancti Andree cenobii Viennensis ipsi qui prefatam terram tenuerint soldos quinque in censum persolvant. Et ut hec carta stabilem firmitatis optineat vigorem, manu propria firmavimus. Signum domni Eimoyni abbatis. Signum Viventii. Signum Otgerii monachi. Signum Sagoni monachi. Signum Rotboldi. Signum Gilamari. Signum Berengerii. Signum Dominici. Signum monachorum omnium. Data per manus Viventii monachi, in mense januario, sub die jovis, regnante domno Conrado rege. (fº 72 rº)

Laurent Ripart

cartulaire perdu (cartulaire)