Apud Bonumlocum. Vente de la moitié du mas de Palheguas par Guilhème Albanha et son fils.

Noverint universi presentes pariter et futuri quod anno incarnationis Domini M°CC°LXXX°, videlicet pridie kalendas januarii, rege Philippo regnante, nos Guillelma Albanha, uxor quondam domini Poncii de Albesio, militis, et ego Berengarius de Promilhaco, filius eorumdem, nos ambo simul in unum concordabiliter [...] per nos et omnes nostros presentes et futuros, bona fide [...] vendimus, solvimus, damus, laudamus, cedimus et concedimus et omnino desamparamus vobis fratri Bernardo de Pennavaira, cellarario majori monasterii Salvanensis, stipulanti et recipienti pro predicto monasterio et toto conventu ejusdem et eorum nomine, videlicet medietatem ex integro totius mansi de Palheguas, siti in parrochia Beati Amancii de Senomez, et quidquid in dicto manso habemus vel habere debemus seu visi sumus habere, tenere, possidere vel quasi [...], ad omnes voluntates predicti monasterii et ejus conventus perpetuo et plenarie faciendas. Qui dictus mansus confrontatur ex una parte cum honore de Laval, et ex alia cum strata de Morsis et d’Autafaja, et ex alia cum honore Argennovas, et ex alia cum honore de Senomes. Hanc autem venditionem facimus predicto monasterio [...] pretio quatuor viginti librarum Turonensium, quas a vobis (cellarario) nomine dicti monasterii habuimus et accepimus in pecunia numerata ita quod nichil penes vos in debito remansit [...]. Acta fuerunt hec apud Bonumlocum, in presentia et testimonio Johannis Cavalaria, B. Espes, Guillermi Ronilh, Berengarii Reveli, B. Verdier, et mei Sicardi Molinerii, notarii publici de Bruscha, qui jussus et rogatus a predictis hanc cartam scripsi et signavi.

Rodez, AD Aveyron, H(006) 001, cartulaire de l’abbaye de Sylvanès (cartulaire)